[遮打革命]學生佔領公民廣場 黃之鋒被捕 警方出動防暴警察驅趕示威者 [復制鏈接]

傳最快下周二執行亞皆老街禁令
周三執行彌敦道禁令

now新聞及東方日報即時新聞傍晚報道，執達吏最快下周二（25日 ）執行旺角「亞皆老街段」禁制令，最快下周三（26日）執行「彌敦道段」禁制令。

旺角佔領區涉及兩個路段的兩宗禁制令申請，申請「亞皆老街段」禁制令的潮聯公共小巴公司，昨已在報章登廣告公告，今日有代表聯同執達主任到亞皆老街與彌敦道交界張貼禁制令，通知示威人士必須撤走。小巴團體今日已與警方及執達主任開會，商談行動具體細節。

至於的士團體申請的「彌敦道段」禁令，仍未得到法庭蓋章命令，估計有關路段禁令，最快要下周才能執行。

有網上媒體指，其中一位衝擊者與早前參與街頭論壇的《熱血時報》主持人相似，「熱血公民」黃洋達表示，自己昨晚在干諾道中聽到嘈吵聲才趕到立法會，但當時有大批警察已到場，將示威者包圍，他無法上前，因此「唔係好肯定衝嘅係咩人」。

對於網媒《謎米香港》指以鐵馬衝擊立法會大樓的是熱血公民成員Pierre Cheung，黃洋達表示暫未接觸到Pierre本人，亦未有計畫要澄清，又指謎迷新聞不可信。

唔認數?

其實熱血公民背後有一位立法會議員係度
如果有心求證又點會唔知網路23條係唔係今日二讀?


究竟邊個係鬼?
再講既係,咩係民主?就係大多數人既意願
香港人做到今日呢個地步其實已經好叻,好難得
琴晚件事真係唔知接受到幾多,如果因為呢件事繼續發展到大部份市民都支持清場既話,,
而熱血公民個班本質上同藍絲我覺得無分別,...

迪神:有網上媒體指，其中一位衝擊者與早前參與街頭論壇的《熱血時報》主持人相似，「熱血公民」黃洋達表示，自己昨晚在干諾道中聽到嘈吵聲才趕到立法會，但當時有大批警察已到場，將示威者包圍，他無法上前，因此「唔係好肯定衝嘅係咩人」。
對於網媒《謎米香港》指以鐵馬衝擊 .. (2014-11-19 22:23) 

有網上媒體指，其中一位衝擊者與早前參與街頭論壇的《熱血時報》主持人相似

謎米好似燒生ga wor.....
兩班人一向唔妥
熱狗個底係花但唔好咁快下定論住
上次搶鐵馬已經話人係熱狗，結果唔係

我都係個句，成件事好詭異
一連串既事係十二小時內發生
疑點重重，gphone都有講警力比平時少
好唔尋常
但姑勿論有鬼定真心膠
分化大計好成功，政府好開心    

火鳳凰:有晒相同電視新聞對照喎……[表情] [表情]
[圖片]
[圖片]
....... (2014-11-19 23:24) 

我上次老屈錯人，係人係鬼真係唔識分。。。
者係話又係一埸大龍鳳
老老實實，仲有一個立法會議員未表過態
又係姓黃。。。

聲明：學民思潮對11月19日衝擊立法會行動的回應

熱愛民主的香港人以公民抗命方式向當權者爭取民主，在金鐘、銅鑼灣和旺角進行長期佔領接近兩個月，向政府施加政治壓力。縱使知道堵路行動違法，但學生團體代表和留守者亦願意冒著上庭甚至被檢控的風險，在佔領區被警察拘捕或於運動結束後到警局自首，以表尊重法治和承擔法律責任的決心，體現了香港人爭取民主的決心。

在雨傘運動踏入第五十三天，政府仍然關上第二輪對話大門，只懂拋出形過於實的民情報告，未有正視港人訢求。學生給予習近平的信件至今仍無絲毫回音，甚至上京尋求跟京官會面機會的「學聯三子」也被註銷回鄉證，可見港人意願根本無法如實向中央反映，不禁令人感到憤怒和失望。

學民思潮明白政府如此漠視民意的態度，正是引致11月19日凌晨時份衝擊立法會行動的導火線。學民思潮認為，既然學生向來有意透過對話和溝通跟政府進行互動，以圖解決是次佔領運動背後的政治問題，政府此等「冷處理」雨傘運動的手段實在於理不合。政府向佔領者釋出善意以化解矛盾，可說是責無旁貸。

然而，縱使學民思潮明白衝擊者的憤怒，卻仍對衝擊立法會抱有一定程度的保留，故此當晚只留在添美道防線跟留守者加固防線，以應對警方全面清場的可能性。學民思潮對衝擊行動的保留源於我們對行動的不理解。當主事者以阻止立法會翌日通過「網絡23條」（2014年版權修訂條例草案）為由號召市民參與行動，但實情卻是「網絡23條」根本不在翌日的會議議程之內，而相關草案在2015年方進行表決，故此該晚凌晨發起衝擊立法會行動缺乏實質基礎，實在令在場人士不明所以。再者，主事者於事前沒有與學生團體以及其他在場人士接觸，或在事後以公開或匿名地解釋行動原因，令到各方人士未能對整個行動的理據掌握得清楚。

除此以外，部份主事者撞破立法會大門玻璃以後，在呼籲別人進入立法會的同時自己卻留在立法會外，或在領頭衝擊後掉下後排戰友急速離開現場。學民思潮譴責這種「只攻不守」和「攻完就走」的做法，只為其他包圍立法會的行動者造成更大風險，也忽略公民抗命的本意就是願意在行動後承擔法律責任。因此，我們對突擊行動的理念感到困惑，縱使主事者的本意某程度上是為了推進雨傘運動，但我們也難以茍同其不負責任的做法。

此外，整次衝擊行動詭異之處，在於立法會大門玻璃被持續衝擊長達四分鐘，居然無一警察上前阻止。當晚立法會一帶佈防警力，對比起「926 重奪公民廣場」以及「613 反東北佔領立法會」可說是少之有少。學民思潮質疑警方在是次行動的人手安排，會否存有不為人知的政治動機。此外，警方於衝突中再次向行動者使用暴力，即使站在後排的市民亦被警棍打至頭破血流，學民思潮也對警方暴力行為感到深惡痛絕。

固然學民思潮啟質疑當晚行動缺乏基礎，以及部份主事者不願承擔責任情況感到痛心，但讓我們感到更遺憾的是，部份行動者謾罵張超雄議員，繼而發生肢體衝突。學民思潮希望所有雨傘運動參與者明的，即使參與者間存有多元意見，但學民思潮實不樂見「自己人打自己人」的狀況。其實相比起口角和對罵，溝通、商討和交流才是凝聚內部共識，擬定雨傘運動方向的最佳辦法。在政府未有具體回應我們訴求前，我們更應團結一致，共同堅守，因為大家行動理念不同而互相指罵從而帶來內耗只會令雨傘前景徒添陰霾。

雨傘運動踏進長期抗爭階段，面對政府不聞不問的態度，確實驅使大家有意組織更進一步的行動，盼望以此打破疆局，增加政府讓步的可能性。但當港大民調反映有八成市民要求結束佔領，民情並非一面倒支持佔領行動的時候，發動升級行動絕對需要慎思而後行。必須擁有完整的計劃，抱著承擔責任的決心，以及出師有名的基礎，方能取得佔領者的信任，群眾的參與，以及市民的支持。惟有如此才能令運動健康推進。

學民思潮希望大家明白，我們由此至終也沒有排拒行動的推進和升級。我們對民主的渴求，以及普選的堅持仍是一致。但若然我們陷於二元對立，漠視未來有機會發生的內鬥和分裂的風險，背後竊笑的必然是梁振英及其管治班子。因此我們祈盼各位不要被怒火和情緒蓋過理智判斷，共同攜手省思運動的路向，讓雨傘運動的參與者最終能夠品嘗勝利的果實。

學民思潮
2014年11月19日

火鳳凰:老實講我唔理佢老蕭熱血兩邊係鬼打鬼定點 (我對佢兩邊都無好感)，不過有晒相又真係好難唔認……
好心男人大丈夫做得出就唔好怕認，野野剩係躲藏係口罩面具背後，做完就要雙學三子去埋單……[表情] (2014-11-19 23:34)

雙學回應好得體係真，都仲當佢地自己人
不過你開口X佢都冇用，宜家風頭火勢。。。
講真金鐘經過琴晚應該唔會再有人搞事
我反而擔心下星期旺角執行禁制令。。。

https://www.youtube.com/watch?v=aDqEPxCqLvM

事實係一撞完玻璃 有人入左去 都冇人理佢 警察就到 你唔支持 唔通等被人捉咩
係獨立傳媒拍架 睇清楚啦 成班係度食花生

我返學 放學睇過 便衣大部份係橋 20個左右
軍裝仲少 3,4個一堆 豬籠車得一架 我指未有執達前
軍裝係勁少 加埋50個都冇
黃之鋒話警察咁少人奇怪 佢根本冇行個全場 全個佔領區
添馬公園都多左因為怕龍和道又出事
三兩咁巡邏 但總數 同係鐵馬前都係極少
鐵馬前 個 個廣場分別得3,4 個人守住渣
比起旺角 更加唔洗講
我同過金鐘警察傾過計 佢都話呢度好平和 我話你輕鬆過旺角好多又咁少人都得 佢笑左下
同埋佢地有槍架 旺角軍裝冇架

philosophy:我返學 放學睇過 便衣大部份係橋 20個左右
軍裝仲少 3,4個一堆 豬籠車得一架 我指未有執達前
軍裝係勁少 加埋50個都冇
黃之鋒話警察咁少人奇怪 佢根本冇行個全場 全個佔領區
添馬公園都多左因為怕龍和道又出事
....... (2014-11-19 23:54) 

黃之鋒話警察咁少人奇怪 佢根本冇行個全場 全個佔領區

然後你下面嗰幾句野係証明緊佢講既野係啱架喎……


咁多記者圍住佢地撞玻璃，但軍裝搞左三分鐘先到現場
邊方面顯示到唔係唔奇怪呢？
全個場都有警察，會唔會需要三分鐘先動員到人去呢？
行咇知道有賊偷野，警察都唔係咁施施然行去啦嘛……

立法會其實應該有警察駐守(好似係)
過程中完全冇阻止
淨係咁已經好唔尋常。。。

驚比人拉就咪撞啦。撞完先識驚？撞之前唔諗？

仲有面攞黃之鋒黎比！人地黃之鋒衝完係坐定定係到比你拉。拉左返去坐左48小時。仲要比差人返屋企反轉間屋咁滯呀。你要撞你就預左比人拉架啦。你撞完就拍拍PATPAT 走左去，要人地雙學黎同你執手尾，仲好意思鬧雙學？真係面皮幾丈厚。

係咪內鬼就唔能夠定奪，但肯定既係真係有唔少人覺得呢班人咁樣衝立法會係可以同雙學衝公民廣場睇齊
我只能夠講，其實有一班人係睇野睇得好表面既人…(而我facebook其實見到唔少咁樣既人……)

Nothing to lose係緣自冇野喺手，當已經唔係Nothing to lose既時候每一步都比之前既難行，亦需要更多既預備。
佔領雖然係一刻咁發生，但佔領既意識並唔係一朝一夕就有；衝擊公民廣場係一刻既事，但鋪排衝擊並唔係一刻就做到。
同樣地，政府想清場，以為一刻既催淚彈就可以解決，而實際上有反效果。政府已經好清楚地示範一刻既行動會失敗，點解班人仲會認為一刻既衝擊立法會會成功？會係一次好既嘗試？
咁同政府喺第一日就走去用催淚彈去激起民眾反彈有咩分別？會有正常智商既人覺得政府用一次催淚彈係一次好既嘗試嗎？

要升級，要衝，唔一定係錯。但所有關乎民生、政府既野，你唔鋪排就走去做，只會係拖後腿既行動。
政府一路鋪路，用盡佢想用既方法黎清，到呢一刻都未可以順利清場。但只要走錯一步棋，你地係幫緊政府去清場，去幫緊政府去滅聲。政府就真係多謝你都黎唔切。

政治，需要耐性。耐性，唔一定係上一代爭取民主模式，講緊要等幾十年乜都冇既爭取，但連幾十日都覺得太長，只能說：施主，你道行還需要提升。
社會運動如果一次，五十日，就可以帶來翻天幅地既改變，呢樣係創造歷史。但更可能既會係，歷史在不斷重演。

太伊:黃之鋒話警察咁少人奇怪 佢根本冇行個全場 全個佔領區
然後你下面嗰幾句野係証明緊佢講既野係啱架喎……[表情]
....... (2014-11-20 00:10) 

t其實你知唔知　升級行動係１０點開始　但１點先撞門　
講奇怪　我諗呢個更奇怪　
如果知升級　一早調好人黎準備唔係更好咩　
會唔會需要三分鐘先動員到人去？
有咩咁出奇　如果佢地係立法會大樓入面的話　
唔係汁好野　front in 咁架咩
其實ｄ警察係邊黎　片係冇講