睇左好多fb有感而發
今次發生依件事，正正係大台同行動派因佔領陷於僵局導致雙方成見日深、意見分歧所致。當然，戴哂口罩發放假消息的固然有意挑起事端，但冇可能在場全部都係熱狗吧，我地要提防熱狗，但唔應該當晚所有人都受指責吧，我相信真係有人誤信網絡廿三條個流言而去支援，難道佢地又係鬼？我地係要捉煽動群眾既鬼，唔係被人厄左但肯去做前線既人！
派系之爭係冇可能避免，最重要係從中取得平衡，我好同意岑傲輝，衝唔係錯，但要有正當理由，衝得就要守、要承擔法律責任，而唔係走左去。當晚衝肯定係冇計劃過兼有人煽動，但我唔相信928以後所有事都係零出錯，係米一次事件就要黨同伐異，將所有參與當晚事件的人劃出去？咁做只會有反效果，佢地一係以後唔再做前線，一係只會更激烈！熱狗不受控制，但我相信有前線人係會反思當晚事件，咁係米一個好機會去修補兩派的關係？可能係我太樂觀，但除左公民抗命，有句說話我覺得先係今次運動成功的原因，"共同進退，勿忘初衷"。要做到係好難，但我地要記住這句說話，陷於分裂只會令親者痛、仇者快。
民主從來都係有對立，但民主最大的價值係尊重、包容。有心破壞、搞事的固然要劃清界線，但是否一些思想較激進，意見不同但目標一致的前線人要被狠毒地攻擊？ 如果只有單一聲音，其他人冇意見，我相信這不是民主。我希望大家諗返個句說話，諗下雨傘革命點黎。有人搞分裂，我地更加要團結，否則正中下懷。
P.S有個中同係前線人，衝立法會、龍和道佢都在場，我肯定佢唔係熱狗，但佢有去支援，佢係真心以為想升級(當然佢冇查證流言係佢錯)，但唔同佢又係鬼？帶頭既人閃左，佢地冇人理，可以點？我只係覺得要負責既係爆門同散佈流言既人，但網上已經唔理，兩班人互相攻擊，我覺得好無奈。。。
[ 此帖被羅力亞在2014-11-20 13:12重新編輯 ]
