羅力亞:係，咁係米個少數要完全放棄甚至攻擊？
民主最重要就係鬥多人，唔需要包容？
我地唔去指責煽動人的元兇，反而針對那些被唆使的人？
(2014-11-20 13:23) 
無人放棄佢地。雙學到宜家都仲要幫佢地講好說話都算係咁。真係包容既極至了。反而我地呢D 唔係局內既仲睇唔過眼，要聯學聯講番句公道話，唔係就比人恰死！！
但調轉，佢地有冇領情？佢地有冇當過我地係同路人？你睇班友仔點樣回應學聯既說話！人地樣樣都留有 1線 ，佢地就下下都踩到最盡！！拆你大台，解散你糾察隊！呢D 唔係叫攻擊？唔通叫包容？
一直都講緊幕後黑手係最大元凶！呢點無容置疑的了。但佢地既「信眾」，都係幫凶！唔係小學生，有分辦是非既能力！有判斷形勢既智慧！有對自己行為負責任既覺知。唔可以一句：「我係比人冼既！」就可以解釋到。
最慘下，如果佢真係覺得自己比人冼左鑊，覺今是而昨非。都仲有得幫！問題係到呢一刻，全城聲討，佢地都仲係死撐。熱血出左幾多似是而非，歪理處處既文章，繼續攻擊雙學！繼續攻擊其他民主派，連張超雄都唔放過。一樣照鬧。佢地何曾有包容過對方？佢地何曾有半絲覺得自己有問題？
從來唔係學聯放棄少數人既意見，排擠少數人既睇法！係佢地要分黨分派，劃清界線者。
[ 此帖被freezefox在2014-11-20 15:22重新編輯 ]
