[遮打革命]學生佔領公民廣場 黃之鋒被捕 警方出動防暴警察驅趕示威者 [復制鏈接]

senal:岩岩我係架車搬野落黎 [表情]
d 差佬逐袋野開黎睇，根本全部都係普通物資
....... (2014-11-26 16:27) 

宜家差人拉人唔需要理由
係條街已經可以話你犯法
只要加"企圖"兩個字就可以屈你
根本就欲加之罪，可以預見如果廿三條立法之後會點。。。

警兩日行動共拘148人
以「非禁令範圍」為由佔領
是「滿口歪理」

警察公共關係科總警司許鎮德下午記者，他指昨日、今日兩日執行禁令，警方以涉嫌藐視法庭為由拘捕55人，另有93人因涉嫌非法集結、拒捕、行為不檢、襲擊等等罪名而被捕。

他主動回應有批評指警方借禁制令清場，他反駁有人以砵蘭街非禁令範圍作借口，以開脫非法集結的事實，號召更多到旺角集結，是「滿口歪理、不負責任」，他又指，若有需要，警方會繼續開通道路行動。

Raphael Wong with Lester Shum and Joshua Wong
58 mins · Edited ·

我現位於葵涌警署，身旁有黃之鋒和岑敖暉。
我們被警方控告刑事藐視法庭罪及阻礙公職人員罪。
今晚可能未獲保釋，明日在裁判法院提堂。

senal:勿忘初衷，唔知仲有幾多人真係仲記得，唉......
而家有 d 人好似為左出返啖氣同警察打咁，去搶返條路返黎，其他野已經變得唔重要 [表情] (2014-11-26 16:34) 

原來個構思好似唔係咁的。

可能好多勇武派唔聽得入耳，但我覺得宜家被警察清場已經係最好既結束方法。


要佔領者自己退場，肯定好多人唔肯！你退D 唔退D 又無用。退個班又或者叫人退個班，實比人插出賣個動運。尤其係雙學。政府擺到明唔驚你佔領。佢話之你佔多三幾個月。佢就係唔理你。你都奈佢唔何。如果要升級，人人對升級既理解又唔同。你想升到呢級，佢話要升多三級。又係有排都拎唔到共識。尤其宜家熱狗個班上哂水。你攪咩升級運動佢都只會潑你冷水。一係同你攪破壞。

呢句說話可能好難聽，但事實上，再攪落去，個動運分分鐘爛尾。

宜家最好既結束方法，其實就係警察清場。警察清場後，完左呢檔。再開第二檔。今次一定要有大會！要有人主持。唔可以再攪咩遍地開花，比班攪事既混入黎。佢唔認同你地既理念就唔好加入。大家各有各做。


警察要清場，咪比佢清囉。原來個運動就係以被清場，佔領者被起訴作為第一階段既完結架啦。你同佢開拖，有咩用？唔通真係要攪到有人流血先安樂咩？

freezefox:去哂？ (2014-11-26 16:20) 

防線補給站等等都去既話都真係好多人去左

freezefox:原來個構思好似唔係咁的。
可能好多勇武派唔聽得入耳，但我覺得宜家被警察清場已經係最好既結束方法。
....... (2014-11-26 16:47) 

你咁講不無道理
但以之前每次警方無理清場既紀錄睇番

今晚無可避免係會迫爆旺角

差佬完全係濫權...痴晒線

如果而家一退可能咩都無

freezefox:咁金鐘咪無人？ (2014-11-26 16:38) 

咁總有人留守既，不過我尋晚唔係個度唔知少左幾多

羅力亞:宜家差人拉人唔需要理由
係條街已經可以話你犯法
只要加"企圖"兩個字就可以屈你
根本就欲加之罪，可以預見如果廿三條立法之後會點。。。
....... (2014-11-26 16:39) 

真係任佢 up，所以我覺得唔好隨便撩 d 警察，係旺角見識過，真係會衝埋黎扑你

freezefox:原來個構思好似唔係咁的。
可能好多勇武派唔聽得入耳，但我覺得宜家被警察清場已經係最好既結束方法。
....... (2014-11-26 16:47) 

你冇錯但我想補充下


學聯講左會升級，點升未知

一路以黎就係勇式武派批評學聯遲遲唔升級ga wor
有冇有心人到時搞事唔知，但勇武派阻止升級？有d矛盾

搞大會，肯定大把人唔聽大會order，反而俾位人入話你想控制郡眾。。。
到時真係水洗都唔清

最後，承擔法律責任當然係公民抗命既重要一環，但今次之後已經好多人上哂水列入黑名單，你睇連冇參與佔領既學生會人員都返唔到大陸，佔領一完只會有大規模既秋後算帳，689份人係點大家都知

可以預期今次佔領之後各種自由都會被收窄，警方一定嚴密監察有份佔領同相關既人，政府加緊引入紅色資本同新移民取代香港人，甚至重推廿三條，你想搞第二檔唔係咁易

我都唔知最好解決方法係咩，但我自己比較悲觀，今次之後我地所面對既野只會更恐怖。。。

senal:真係任佢 up，所以我覺得唔好隨便撩 d 警察，係旺角見識過，真係會衝埋黎扑你 (2014-11-26 17:51) 

今次雨傘革命，689最成功就係完全將警察放左去市民對立面
警隊淪為政治工具，以後只會更嚴格執法。。。
講真唔好話撩，宜家見到警察都想掉頭走

re 老狐

其實都係，而家邊個話退場都會俾人罵爆，別有用心個班人更加會火上加油

警察清場，變相幫大家做呢個「決定」，起碼 d 人會將個矛頭指向警察、政府，而唔係佔領者本身

我覺得寧願搞過另一壇野，由雙學名正言順發起，好過而家俾人趁清場前夕騎劫、搞分化，不歡而散

羅力亞:你冇錯但我想補充下
學聯講左會升級，點升未知
....... (2014-11-26 18:05) 

佢唔係「阻止」你升級，係唱你既升級唔係升級。無論你升到幾多級，佢都會話你既唔算係升級。


我諗除非學聯揭竿起義攪武力革命，否則班熱狗都唔會收貨的。佢地根本就係攪緊港獨！但我地唔係想攪港獨哎嘛！咁點可能滿足佢地？你點升級都唔會被佢地接受的。


其實你唔算悲觀………你諗既好大可能係最接近事實既結局………

senal:re 老狐
其實都係，而家邊個話退場都會俾人罵爆，別有用心個班人更加會火上加油
警察清場，變相幫大家做呢個「決定」，起碼 d 人會將個矛頭指向警察、政府，而唔係佔領者本身
....... (2014-11-26 18:12) 

exactly !!