不過，就算新特蘭輸比阿仙奴，但跟住黎緊四場既對手，史篤城、車路士、愛華頓、屈福特，四隊入面得屈福特一隊我覺得仲有心機踢波的，其他個幾隊都提早暑假，投奔初夏了！你話要拎5、6分就話難者，要拎2、3分真係話咁易。一陣四場和哂拎到四分都分分鐘護級成功了。
相反，紐卡素黎緊個四場，只有對維拉個場係易食。水晶宮個場都OK，話哂主場。但其他兩隊，一隊係近況甚佳，而且場場都出盡力打既利物浦，一隊係仲爭緊冠亞軍近況頂峰既熱刺。要係呢四場波入面拎到超過6分，真係談何容易呀………
諾域治要對阿仙奴、曼聯、屈福特、愛華頓。作客阿仙奴個場算啦，但只要比佢係其他個三隊身上偷到一場雞，執番3、4分，其實已經幾穩陣下。三隊入面，似乎仍然係佢最有希望護級。
紐卡素好似仲係三隊入面得失球差最差個隊………同分都死………
