通告第6號首先，由於有隊伍因為更改隊伍名稱導致小弟有少少出分上既困難，鑒於小弟技術含量有限，所以特此呼籲大家盡量唔好係隊名加插一啲特殊符號。
跟住係題外話(可以按上一頁了)，小弟原本打算每週都為大家做下分析，等大家投入少少，但係由於我實在太懶（我推測原因是歸咎於此乃主持通病），所以自第一週係咁咦做下，之後就無哂聲氣
適逢今週Week7正正係分組賽賽事既一半，所以係度大家簡單分析下各組走勢啦∼
A組A組形勢暫時以榜首可可粉以4分獨領群雄，優勢可望延續一段時間，可謂A組出線大熱，但係黎緊7場有6場作客，比人拉下馬都唔出奇。而其他比較上大d機會出線既參賽者，包括sikingthegreat、呀威、怒射角球旗、宇多田光分數徘徊係2分之差，鹿死誰手都仲係未知之數。
除左最後兩位蚊水D..........B組B組情況同A組差唔多，但係榜首優勢就更大第一同第一相差七分，而且榜首既BBQ仲有3場主場在手，應該出線無走雞鳥。跟住2至8位情況同A組可謂一模一樣，未到最後都唔知邊個出到線。由於私怨既關係，本人係比較睇衰5號仔既Gerard Way，請大家全力擊倒佢。
最後兩位比起A組最後兩位更蚊水......C組C組係「貧富懸殊」最嚴重既一組，頭兩名既james同eric分別以19同18分領先第三位12分既yoshra11，希望大家黎緊爭氣d，以免最後幾週變左陪跑分子。
ericlok..........D組D組各隊分數之近，近到甚至我覺得自己計錯分，隊隊出線機會都唔細，不過要靠最佳第三名出線既話，就無咩可能啦。除左一個字：亂之外，我都唔知有咩講。
榜末pre的6場不勝是唯一亮點E組E組就有光速豬之稱既豬三列席首位，雖然佢已經同已經被判DQ既廢托對賽左，但係黎緊仲有4場主場，係出線大熱。其他參賽者戰況都一樣好緊湊，除左brian得分差比較有優勢之外，積分上都係兩三分之差，相信要去到最後一兩週先分到勝負。
秦國果然不懂足球........F組最後既F組，如無意外，出線資格都係頭4名之爭，5,6,7名要出線，真係要好靠運，至於最尾既jon3先生，俾d體育精神吧
湯加係邊度黎....?
