依家喺亞博館舉行《MAMA》記者會，部份出演團隊陸續出場，SHINee Key同Minho同埋女團f(X)Krystal、Amber同Luna都現身記者會，當中Luna仲露背現bra示人，好不性感。
SHINee Key同Minho話前年已嚟過《MAMA》，事隔兩年再嚟好開心，佢哋話：「每次嚟香港粉絲都好熱情咁歡迎我哋，真係好開心。」今年《MAMA》佢哋最期待同門f(x)，因為佢哋今年有合作，所以好期待，亦好期待同海外藝人合作。而佢哋亦預告今晚會有全新表演畀大家，對於紅地毯會以什麼服飾出場，Minho就自爆話佢哋0依家緊就會喺紅地毯穿，仲尷尬話係唔係太早畀大家睇到，全場即時爆笑，連Key都忍唔住，並話：「咁大家期待我哋另外三位成員啦。」佢哋話最想同自己音樂style相似歌手，或者同舞台DJ合作，將歌曲重新編曲，覺得會係一個好得意合作。
輪到f(x)出場時，成員就透露因為Victoria有工作喺身，所以就嚟唔到香港，Luna話：「事隔三年再嚟《MAMA》好開心。」Amber話佢哋好耐冇嚟香港，但噚日出街都畀粉絲認得，覺得好光榮。Amber原本用普通話回答問題，但同樣被司儀要求用韓文回答。問到今年有咩活動，Luna話f(x)出道7年，第一次開演唱會，仲即時大賣廣告話：「出年1月30及31號會舉行演唱會，亦都會喺日本開演唱會。」
另外，San E同男團Seventeen亦陸續出場，San E話自己一直想嚟《MAMA》，今次終於來到就好似發夢一樣，所以無論服飾及頭髮都重新做過，因為太想做，所以好多嘢都準備好多，第一次來到香港，覺得香港好華麗及香港人好主動，而今次《MAMA》，佢最期待PSY同CL
