愈挖愈醜！翻查FILA官方網店，羽總強迫伍家朗著既「政治正確衫」係一件網球衫！
FILA網店上面，穿上既件衫既係一個網球員，而且手袖亦有FILA TENNIS logo，證明呢件衫係FILA既網球系列！最後FILA雖然包底話呢件衫亦適合各種運動場合穿著，但件衫亦有「寬鬆版型」既描述，好明顯唔岩羽毛球員著！而上面寫「吸汗快乾」，事實證明短短半個鐘比賽唔夠就濕透，根本就唔係吸汗快乾！
咁究竟羽總點解會安排一件網球衫俾港隊頂級羽毛球代表伍家朗著？地球上係咪冇任何羽毛球衫？如果得件網球衫，點解唔俾伍家朗權且著住黑衫出戰？羽總需要出黎解畫！焦點唔應該係FILA，而係揀呢件衫仲要迫伍家朗著既羽總！
翻查羽總當日既澄清聲明：「而香港羽毛球總會獲悉後，已即時向香港奧運代表團贊助商FILA要求提供出賽球衣予家朗...第一天比賽當日，家朗選擇穿著自行安排的球衣出賽」亦即係話，伍家朗一早已經拎到FILA呢件網球衫，不過因為某啲原因選擇自己印lululemon出戰，最後又俾羽總迫返著FILA 呢件網球衫！而家睇返，伍家朗當初點解唔揀呢件衫既原因已經好明顯！因為佢係一件網球衫丫嘛！
商品詳情︰
- Athletics 系列
- 寬鬆版型
- 吸汗快乾
- 胸前 F-box logo
- 手袖 FILA TENNIS logo
- 適合各種運動場合穿著
我X......
