百彈齋主:
「SUCK channel Admin全數昨晚凌晨被捕」」
呢個消息，其實嚴重程度不亞於公眾人物因國安法被捕，由林鄭維護健康碼同全民抽查，個態度同立場係：
「反對政府政策，唔理乜角度都係搞獨立，抹黑中國。」
基本法上共政權係已經定性：「反對政府如同違反國安法」，而國安法的內文本身就有呢種含意，大家可以參考返「顛覆國家政權罪」入面有條文咁寫：
「嚴重干擾、阻撓、破壞中華人民共和國中央政權機關或者香港特別行政區政權機關依法履行職能」
集會示威遊行，可以係一種干擾同阻撓，你可以話唔係，但決定權唔係香港人，係中國政府定義就得架啦，我反對政府某啲施政，我當係明日大嶼好啦，因為會消耗太多存備，亦對香港環境有影響，然後去宣傳或組織反對聲音，表達意見都隨時中招，因為我干擾同阻撓緊香港政府依法施政。
當SUCK channel呢類文宣為主被人拉，當然依家無任何細節好難判斷，但真係用國安法，又係告「煽動分裂國家罪」，咁未來香港會點，大家可以思考，因為個煽動定性，係指對中國恨仇都入罪，仇恨又點定義呢？
呢個就係國安法最恐怖既地方，佢係針對緊公眾人物同願意發聲或組織既人，所有香港政治人物，公眾人物，KOL係咪應該講多啲，俾香港人真係理解，依家個威脅去到邊呢？任何反對聲音都可以出事。
要正經直接講呢啲問題，唔好再帶大眾遊花園。
https://www.facebook.com/CriticsHK/posts/2742592982620471
