英超護級討論區(塵埃落定) [復制鏈接]

計球員質素,popmey>伯明翰>西布朗
計球員合作性,伯明翰>西布朗>popmey

所以,伯明翰的確幾有希望護級成功o既~

迪克，我建議你比埋最尾呢幾隊既排名同得分出黎，咁仲易睇d。

賽程：
西布朗

2006/03/18 22:00 主   曼聯  
2006/03/25 22:00 客   熱刺  
2006/04/01 22:00 主   利物浦
2006/04/08 22:00 客   阿士東維拉    
2006/04/15 22:00 客   阿仙奴  
2006/04/17 22:00 主   保頓  
2006/04/22 22:00 客   紐卡素    
2006/04/29 22:00 主   韋斯咸  
2006/05/07 22:00 客   愛華頓  


先講西布朗。

講然話淨番九場。但其實唔會真係可以睇哂九場。因為好多時，五場過後，局勢已經大定，佢就已經好難打落去。因為五場過後，若然西布朗仍有一分都無。人地就執三四分。咁淨場尾場，西布朗就會背負好大既心理壓力。對手亦可以睇住黎打！

點解咁講？大家睇睇，西布朗黎緊既五場，幾乎可以話一分都難攞。最有機會係係曼聯身上偷一分。若然費sir真係放水既話。其他四場，熱刺、利記、阿仙奴，隊隊搶分既！炒鑊甘既就有！要搶分就一d都唔易。尤其作客個兩場。主場對利記，死守九十分鐘既話，都或者仲有半線生機。但真係唔睇好囉。

仲有一場作客維拉。講真，維拉係無慾無求，係主場一向威力大。呢場都係九死一生格。

打完呢五場，若然西布朗真係一分都無。距離季尾又得番四場，你話佢地形勢會點？心理壓力會幾大？跟手先有一場比較好打既主場對保頓。比較好打咋，唔係真係好打架。季尾咁多場，得呢一場有機會全取三分。但其實都係好難做到。一則保頓今屆表現極佳。二則若然佢呢個時候仍然有野要爭，例如第六名，咁佢一樣要搶分。西布朗呢類榜尾，仲唔係搶分既上佳對象。呢仗若然不能取得三分，只得一分。西布朗都一定降硬班，都唔駛睇最尾個兩場咁滯。


偏偏，最尾兩場先係易打dd既。不過。之前又要比紐卡素炒一鑊先……

當你主場掃低韋斯咸，又多三分。尾場作客愛華頓……仲有冇意思都未知。當真係仲有得救，主場既愛華頓，易唔易食？大家話哩。




所以三隊中，西布朗排名雖然暫時最高，但相信降班機會最大。

下面是引用freezefox於2006-03-14 10:17發表的:
迪克，我建議你比埋最尾呢幾隊既排名同得分出黎，咁仲易睇d。

ok!

我都係講得伯明翰成功護級機會最大, 講真上季西布朗護級成功, 我硬係覺得怪怪地咁,

無厘頭曼聯會失三分比佢

而且西布朗今季所有前中後三線能力都好似無乜改進, 攻又攻唔到, 守又守唔掂, 前鋒搞唔掂又無

中場可以入揳幫拖, 有都只係偶有佳作

樸記都無乜計, 樸記比列納走就已經註成大錯, 季中搵佢返黎, 差不多成隊波執過咁滯, 打得唔好係

應該, 打得好先出奇, 贏到曼城我覺得佢地已經超出佢地能力, 試諗下, 唔係文迪斯兩個靚波, 根本

無可能贏, 文迪斯無可能場場都射d咁o既波掛???咁你地話樸記仲有乜本錢去入波, 我真係諗唔到

仲有邊個識入波

話時話....伯明翰明明賽28...
應該淨返10場未打
但check espn...佢餘下賽程又係得返9場...

西布朗既困局，在於對手強勁！

撲次既困局，在於分數被拋離太多。雖然佢只低伯明翰三分，但卻足足低西布朗六分！呢到係兩場勝仗！萬一西布朗黎緊和到一、兩場，咁個分差就係七、八分。即係兩場勝仗加兩場和波。又萬一西布朗真係win到一場。咁撲次就要打三場以上既勝仗，先可以唔駛降班。睇睇撲次個賽程，大家話得唔得？

樸茨茅夫

2006/03/18 22:00 客   韋斯咸  
2006/03/25 22:00 主   阿仙奴  
2006/04/01 22:00 客   富咸    
2006/04/08 22:00 主   布力般流浪
2006/04/15 22:00 主   米杜士堡  
2006/04/17 22:00 客   查爾頓  
2006/04/22 22:00 主   新特蘭  
2006/04/29 22:00 客   韋根  
2006/05/07 22:00 主   利物浦


作客韋斯咸，除非佢仲要留力做呢樣個樣者，唔係既話，以韋斯咸今屆攻力之強，都幾難全身而退。和到當羸囉。然後主場阿仙奴……88……

黎既四場，將會決定佢既命運。作客富咸同查爾頓，係唔好打，但至少唔係無得打。兩場要羸有難度，要和都仲可以做到。跟住兩場主場，對布力同米杜就係生死存亡之戰。呢到最少要羸一場，最少！最好羸夠兩場。不過，布力般近況甚佳。作客對熱刺都有本事入兩球。撲次莫講話要羸，要和都唔易。都係一心一意係米杜身上偷雞好過。四場比賽，可以做到一勝兩和已經唔錯。兩勝既話，護級有望！

留唔留得低，全部睇呢四場。

比較西布朗賽程。若然發展順利，撲次呢頭搶五六分，佢個便仲係一分都無，你話，形勢係咪即使唔同哂？

然後第七場就係關鍵一戰！主場新特蘭。最大機會全取三分既一場！打到呢一刻，新特蘭都係盡番聯賽隊伍既基本責任：打埋佢囉。所以，呢場無理由唔羸。除非撲次都唔打算護級。呢一場正正係關鍵賽。因為若然之前可以搶得五六分，佢同西布朗個分差就已經拉得好近好近，比西布朗好大壓力！只要係呢個關鍵時候，再下一城！變成反勝西布朗，壓番住佢黎打，咁撲次既形勢頓然好好多囉。真係可以睇番住西布朗黎食。

問題係，即使撲次真係照計劃進行，真係可以咁順利，照足劇本發展，最後仲反勝西布朗，都未必唔駛降班。


因為，關鍵仍然係係伯明翰身上。

西布朗輸在賽程太差，撲次衰在分差太大。

伯明翰介乎其中。賽程唔好打，但未至於無得打；分差係有，但又唔係好大。

伯明翰最最最失敗既地方，係上周竟然主場不能殺敗西布朗！呢個先係佢今年要護級既最大原因！否則，宜家係佢領先三分唔係人地領先三分。佢睇住人地黎打唔係人地睇住佢黎打！你話係咪自己攞黎？


伯明翰只低西布朗三分，估計西布朗黎緊可以搶到三至四分既話，伯明翰只要搶多七八分就可以。呢到係講緊兩場勝仗一場和波。但亦可以係一場勝仗五場和波。再唔係，七場和波都可以。變化較大。所以，伯明翰真係可以睇住對手黎打，作出不同既部署。

伯明翰(28賽24分)

2006/03/18 22:00 主   熱刺  
2006/03/25 22:00 客   曼聯  
2006/04/01 22:00 主   車路士  
2006/04/08 22:00 客   韋根  
2006/04/15 22:00 客   阿士東維拉  
2006/04/17 22:00 主   布力般流浪  
2006/04/22 22:00 客   愛華頓  
2006/04/29 22:00 主   紐卡素  
2006/05/07 22:00 客   保頓


頭三場。伯明翰都係無咩機會。作客曼聯同主場車仔都唔好心存妄想。唯一仲可以有得偷下雞既，就係主場對熱刺。若然打死守，間中突擊，以熱刺今屆經常八十九分鐘先黎失波既表現，都仲有少少希望。呢三場搶得一分，都算成功左一半。


然後黎緊四場先係戲肉！

作客韋根同維拉，唔好諗住羸囉，死守和波算囉。但一場比佢偷到雞羸到咪當bouns囉。否則，和埋呢兩場，又兩分！

然後全力出擊，主場殺敗布力般！難度係有。但主場齊腳下既伯明翰，又有護既既使命，鬥志都打高一班。要羸，唔係難！呢場都無本事羸到既話，咁就抵你降班。事實上，上場主場對西布朗，咁都羸 唔到，已經埋下降班伏線。呢場再羸唔到，咁你去降班啦。

若然係之前既賽事，順利累積到一勝兩和甚至三和。手上已經有五、六分。穩陣好多好多。即使唔得，和到四場，都有四分哎。咁就要再睇跟住個幾場。

作客愛華頓，主場紐卡素，作客保頓。全部都唔好諗羸囉。場場守和佢。守得到，又多三分。護級機會就大。守唔到，得一兩分既話，加埋無七分既話………降唔降班就唔係睇自己，係睇人地個兩隊係咪一樣咁唔爭氣囉。

下面是引用迪克於2006-03-14 10:41發表的:
話時話....伯明翰明明賽28...
應該淨返10場未打
但check espn...佢餘下賽程又係得返9場...

好似，有一場既補賽未定係話。

下面是引用freezefox於2006-03-14 11:02發表的:
好似，有一場既補賽未定係話。

唔怪之得啦~~


講真,護級主動權真係係伯明翰手
宜家比西布朗踢少一場
落後3分之嘛

不過,補賽對手係邊個先?

下面是引用迪克於2006-03-14 11:06發表的:
唔怪之得啦~~
講真,護級主動權真係係伯明翰手
.......

米杜係話？

下面是引用freezefox於2006-03-14 11:08發表的:
米杜係話？

米堡....理論上,2對級數差唔遠
伯明翰有力係佢身上最少拎1分

所以囉。

人地一定要三分三分掃先得。伯明翰卻可以一分一分咁慢慢執。機會梗係大d架。

下面是引用迪克於2006-03-14 10:41發表的:
話時話....伯明翰明明賽28...
應該淨返10場未打
但check espn...佢餘下賽程又係得返9場...

伯明翰(28賽24分)

2006/03/18 22:00 主   熱刺  
2006/03/25 22:00 客   曼聯  
2006/04/01 22:00 主   車路士  
2006/04/04 22:00 主   保頓  
2006/04/08 22:00 客   韋根  
2006/04/15 22:00 客   阿士東維拉  
2006/04/17 22:00 主   布力般流浪  
2006/04/22 22:00 客   愛華頓  
2006/04/29 22:00 主   紐卡素  
2006/05/07 22:00 客   保頓

伯明翰仲有一場4/4主場對保頓既補賽

how about fulham?