其實簡單D 咁講：
「撚」呢個字，係香港，絕大部份人都會認為係粗口（唔好要我證明或舉證呀……）。因為係香港既里語中，佢係指生殖器具。而用生殖器具黎形容一個人（最明顯既例子當然係加個「樣」字比佢既合成詞），就係香港粗口常見既特徵。
只有當佢用作動詞既時候，先唔係粗口。撚係指用手指搓咁解。所以，引伸出黎既詞組組合，例如撚化、撚手，都係非粗口既詞意組合。
而仔仔一直強調既，撚係指人，所以唔係粗口，其實根本無關係。佢當然係指人啦，但點解要用呢個字黎代表人呢？咪正正係因為要用生殯器具黎代表一個人囉。咪即係鬧緊人囉。而且係帶緊侮辱成份。所以，佢代表人，唔單止唔可以證明佢唔係粗口，相反，正正係咁，呢個帶有侮辱成份既詞彙好明顯就係鬧人同侮辱人既粗口。
好友論壇，禁止粗口，亦禁止人身攻擊。用帶有侮辱成份既詞黎代表人，就係用粗口黎作出人身攻擊。所以被罰。就係咁簡單。仔仔你再撐落去，都唔會有人支持你「非粗口」既睇法。
