好老實講，勇士頭三埸的確打得唔好，受制於騎士拖慢節奏打陣地戰，但之後因應場面改變風格打快攻小球戰術致勝，冇一成不變，不正是冠軍應有的特質？
相反，Cavs第五戰竟然收起第四戰爆發長人Mozgov，企圖同GSW鬥快，以己之短攻敵之長，豈有不敗之理？
你可以將Cavs落敗歸咎於Irving、Love傷出，你可以話Cavs只係輸bench，但籃球唔係一個人打哂，其他功能性球員、替補都係各司其職，有自己的價值。
你自己又話中意spurs，何以不欣賞GSW的teamwork？
冇人會質疑LBJ今個series偉大的表現，一人之力挽狂瀾於既倒，最後功敗垂成，冇人怪罪佢，大部份都係覺得可惜。
只係到今日佢仍然未能夠用球隊中心的身份帶住一班人贏得冠軍，只係以速成方法合體拎冠軍(唔好再講Boston la，之前討論過人地係球員生涯尾段，LBJ係廿幾歲)
當然冇人質疑冠軍的含金量，只係大家都偏向中意one life one club或者慢慢build up隊波而唔係郁下就big three咁解，各人喜好唔同lor。
仲有，你成日個point係GSW靚陣對Cavs一人球隊贏得少，好似GSW老奉straight win咁。大佬，打波有好多因素影響勝負，球員發揮、戰術、教練調度、心理質素，唔係計名氣同戰績就贏硬，如果係既就唔使落場啦！
而且，如我所講籃球不是一人運動，要團體分工、互相合作先可以取勝，
今個series，Delly、mozgov、TT都做到野，盡哂力，最後輸都無話可說，但冇辦法冠軍只有一隊，Cavs技不如人，只好下年再努力。
你想像中強弱懸殊的match up原來可以打到咁激烈，不正是證明了未完場唔好慶祝住的道理？
世上冇長勝軍，亦冇必勝的球隊，只有準備充足、發揮水準才可擊敗對手。勝利不是必然，在你視GSW贏為理所當然，又有冇嘗試理解人地成功的原因？又有冇檢討cavs失敗的理由？
話GSW未落場、睇戰績就贏硬，你唔止冇尊重GSW球員，更加否定左cavs全體球員所付出的努力！
我冇期望你接受我的意見，我唔係GSW fan，亦唔係針對你，只係不吐不快，自從Kings沒落，我仲未有一枝真正中意的球隊，講完。
[ 此帖被羅力亞在2015-06-23 08:48重新編輯 ]
