我覺得應該可以嬴我更舒服, 好多時張伯倫個決定做得唔好, 好多波斷, 同埋藍斯個態仲差DD, 如果早D換入路斯基同奧斯爾出黎控場可能打得仲舒服 .
防守出M18 同B39 , 覺得仲穩過出G3 同C21 , Monreal成日比人話, 但我認為佢除左速度唔夠快之外, 防守意識比基比斯好, 再上一場對史篤城不失球, 好多傳中波都見到佢企位包位都好好(史篤城出名高空轟炸),如果係基比斯應該會有一球走甩人.
出比爾連 就更驚喜, 上場迪保治傷出, 睇左比爾連(之前有出果幾場都覺得佢OK) , 掂,唔花巧, 又有速度,又夠氣, 不過估唔到大戰雲格出佢排得前過張伯斯, 占士米拿對佢完全冇甜頭食到, 如果係張伯斯應該食塵了
最重要係防中出高基連, 好肯走動防守(當然法明尼都好肯跑, 不過速度唔及高基連, 之前阿仙奴大敗比曼城就係有防中等於冇防中(之前係出阿迪達) , 速度完全跟唔上對手.
連速度最慢既梅毒都冇出阿古路屈速 ( 可能真係冇左耶耶, 中場冇哂創造力 )
表面上曼城嬴哂控球權, 但最後十幾分鐘D攻勢先有DD入肉
依家睇落後防咁出幾好, 希望雲格唔好無啦啦又繳陣.
