引用第660樓liuming於2012-06-25 17:38發表的“”:
老老實實...
有人話普通人都識睇~
.......
兩件事。
一，測量師學會既呢番說話，內容有幾多成係真，我地外行人真係無辦法知道。但內行人一定知啦。我又唔信全港既測量師都會企哂係佢個邊。一定會有人企出黎講番你聽，邊D 可信邊D 推委。當然，呢D 人講既野又未必全然可信。你會係唔同既渠道，收集到唔同既資訊，然後你可能就要自己判斷，邊個比較可信了。
至於CY 既問題，就唔係專業既問題。係處理既問題。首先，佢同唐唐最大既分別係，唐唐係自己（或佢太太）親自策劃個個潛建的。你極難推卸個責任。即係等如。你本身就係個個小偷。比人當場拉左，仲有咩可以講？CY 就係買番黎既單位係潛建，唔係佢自己潛建。若然佢唔係特首，一般巿民遇到咁既情況，直頭可以話自己係「受害人」添！但佢係特首，情況就有所不同。但極其量，佢只係接左賊贓，而唔係小偷。宜家佢伸辯既理由就係話佢唔知個D 係賊贓。而你信唔信佢唔知。
我覺得佢未必唔知，但就心存僥倖，諗住又唔係我自己潛建，買番黎就係咁架嘛（其實一般人都一定有呢種心態的。呢方便大家要公平少少，佢係特首，但同時佢都係芸芸業主之一）。所以無好認真咁去處理。唔多唔少都可以理解為失職！普通巿民黎講，只係小事。但對一個特首黎講，仲要係選舉個陣不斷用潛建問題去攻擊對手既人黎講，成件事既意思就大大不同了。
所以，若然證明到，佢無可能唔知到個D 係潛建物！佢有心穩暪，定係證明到，佢真係有可能唔知個D 係潛建物，無心穩暪，個結論可以好大分別。個結論咁大分別，而呢樣野又涉及專業知識，係咪應該聽多D 唔同既專業人士比既意見會好D。
迪神應該都係專業人士啦。所以我第一時間問佢個段野既可信性有幾高囉。
