引用第54樓lamho於2006-07-10 15:22發表的“”:
咁責任唔只施丹啊
馬特拉斯無喇喇講d說話黎做咩先
你諗諗攞黎衰應該係邊個多d呀
宜家係討論責任既時候？
馬特拉斯係咩人，你知我知。若然佢兩句說話，就可以將對手最有威脅既重心人物趕出場，我肯定佢唔介意講多十句。
於佢，有咩損害？你認為佢會介意再背負更多既惡名咩？我覺得佢只會洋洋自喜，自己一手將本世紀既球王風光既謝幕戰摧毀！佢只會記得，自己點樣去愚弄呢位神人級既對手。
你就算證明佢當時講既說話是何等惡毒，又如何？對於施丹被紅牌趕離場既事實，有咩影響？對於已造成既傷害，有咩意義。
最最最最不該係宜家繼續幫施丹搵藉口。因為千千萬萬既喜愛足球既幼苗，親眼睇到佢地心目中既偶像呢種愚昧既行為，若然我地仲要幫佢合理化！咁以後人人爭相仿傚：「車！施丹當年都係咁啦，呢d叫英！」
咁就真係悲哀囉………
