ummm.....諗起d無謂野想分享下.... (唔啱聽就當我廢up la....)
話說冰佬認識某位女運動員, 佢果樣運動打得幾叻既, 不過外型係有d muscle 有d "man", 咁幾年前某討論區, 唔知乜事有人開左個topic 黎講佢, 開頭我估有人口痕, 跟住愈來愈多人回應, 而且內容由評頭品足到人生攻擊都有, 最初d人冇開名我都冇留意, 後來睇睇下, 愈來愈多info, 只係差冇開名 only.....
跟住我果位朋友留左篇千字文回應, 一開始佢就已經自爆 "我係XX, 你地係咪講我??" 之後再講佢唔開心, 同分享左"一身muscle" 係由艱苦鍛鍊既心路歷程....我個人就好配服佢既勇氣同毅力....
的確, 做運動員一d 都唔容易, 平時同fd 打波玩下出身汗梗係開心, 真正既訓練完全係2回事.....基本技術, 體能訓練 日日做, 做到又抽筋又嘔, 嘔完又嘔都要做, 有幾多人試過??..... 食野又要就住, 過時過節食多幾件年糕月餅, 肥左幾磅結果就o係gym room 加操自己承受..... 日日唔係練波 就操體能, 身邊朋友結果只有隊友 & 教練........ 俾左好多力, 犧牲左好多, 係咪一分耕耘, 一分收鑊?? 唔係, 可能有半分, 可能半分都冇, 好多時操左好耐, 體能好似幾fit, 不過技術就好似冇乜進步...... 仲有競爭、比賽壓力都唔想講la...... 運動員通常都有一大叠卡片, 唔係金卡、九折卡, 係一堆針灸、鐵打、乜醫物醫卡片..... 流左咁多汗, 付出左好多努力, 可能未見到成果, 一個唔好彩, 傷左, 隨時就咁就收皮.....
鍾意睇靚女好正常, 我都鍾意寶娃, 不過嘛.....
真係愈來愈長氣, 可能我自己都係過來人, 依家週身痛又訓唔著, 不喜勿插.....
