我對Wenger開始失去信心
三場聯賽贏都未贏，兩場歐聯外圍賽就贏；唔通阿士東維拉、曼城同米杜士堡真係咁惡砌咩
打嘅兩場歐聯，Henry都係總共踢45分鐘，結果兩場贏波而回；番到聯賽，由Henry掛帥，結果死晒。Wenger究竟有冇諗過收起狀態差劣嘅Henry。收起佢就贏，俾佢踢就唔贏。個個係咁俾波Henry，Wenger好應該同班球員講自己上、俾空咗嘅隊友。
成班人喺晒中間，好心Wenger就叫Hleb番右邊啦，你估推晒啲人喺中間開party咩。搞到Eboue成日踩上去，你當佢鐵人咩?
Wenger成功將精彩進攻、三角短傳等引入阿仙奴，但人多到可以開party嘅中間已經唔容許啦。唔通Wenger仲要執著阿仙奴踢悅目嘅進攻足球?有入球機會就要把握，作為資深領隊冇理由唔識。唔通仲要等到推過守門員先射?
Wenger第二叻嘅係培育新秀，但好似Toure、Djourou、Hoyte等就完全未夠班。Toure需要一個經驗豐富嘅拍擋係身邊指點，好似上季嘅Sol Cammpbell，偏偏季初就遇著Djourou，已經有Gallas呢個大將，點解唔俾佢打中堅呢?Djourou話就話係瑞士世界杯大軍一員，但上陣時間只係三十幾分鐘，談不上經驗，只有活力，但偏偏佢嘅表現比Cygan還差，對曼城一役，末後係咁俾Coraddi、Dickov等迫甩個波，仲要係Lehmann開完死球後一秒；Hoyte上場輸十二碼不在話說，經驗唔夠唔使講，都唔知上季係咪俾新特蘭搞彎咗?上季「廖作化先鋒」打左閘嘅Flamini獲一致好評，喺Ashley Cole離隊、Clichy養傷時，好應該繼續由佢擔任左閘。Wenger若然唔變，阿仙奴只會死路一條。難道Wenger認為培育新秀比爭取成績更重要?
作為阿仙奴球迷，已經對阿仙奴同Wenger失去信心。
