引用第795樓freezefox於2012-03-20 12:30發表的“”:
其實我好明白你講咩。
.......
我都唔同意唐英年爆料，原因唔係因為沒有證據，而係因為保密原則的問題。大前提係你唔保密去爆料，自己已經犯了大錯，係錯誤的前提下，所有指控都唔應該成立。
不過既然已經爆左料，作為沒有利益衝突的我們 (我們沒有選票)，我地亦唔係身處法庭，我地大可好似曾鈺成所講，自行去判斷真偽。我地去判斷真偽，並唔係因為要選特首，而係先有心理準備，我地黎緊五年有可能會面對一個怎樣的特首。當然我地去判斷之時，亦應該俾 benefit of doubt 俾梁，自己提醒自己暫時仲未有充分的證據。不過先作最壞打算，唔駛到時真係發生事情之後無任何準備，亦無不可。
先講商台事件，從多名當時的當事人以及商台發出的聲明，我地大致已經可以明白整件事的來龍去脈，當年係有人俾壓力商台，用續牌年期換取幾位名嘴封咪。至於那人是誰，基於保密條例，我地真係唔知，係唐英年自己都未定，因為當年佢係工商科技局局長。
至於防暴隊事件，現時有葉劉、李國章、楊永強「唔記得」或者「無印象」，另一邊有田少就直情講到有人話要出解放軍 (其實呢個仲震撼過防暴隊)。從當年發生的事件，當年各人的說話，同埋田少最後出走的原因及聲明等等，我地大致可以得知當年情況真係有的凶險。不過當然我地現時係唔知梁同埋葉劉(當年的第一主角)係行會的真正取態是怎樣。
