引用第811樓bmx於2012-03-20 15:50發表的“”:
我都唔同意唐英年爆料，原因唔係因為沒有證據，而係因為保密原則的問題。大前提係你唔保密去爆料，自己已經犯了大錯，係錯誤的前提下，所有指控都唔應該成立。
不過既然已經爆左料，作為沒有利益衝突的我們 (我們沒有選票)，我地亦唔係身處法庭，我地大可好似曾鈺成所講，自行去判斷真偽。我地去判斷真偽，並唔係因為要選特首，而係先有心理準備，我地黎緊五年有可能會面對一個怎樣的特首。當然我地去判斷之時，亦應該俾 benefit of doubt 俾梁，自己提醒自己暫時仲未有充分的證據。不過先作最壞打算，唔駛到時真係發生事情之後無任何準備，亦無不可。
.......
我反而認為，保密守則唔係最大的。若然個樣野真係會大大咁損害公眾利益的話，保密守則都要行埋一邊。
若然，唐唐爆料係真係為香港巿民好，係真心想阻止一個極惡既政權上台。甚至不惜犧牲自己，咁我唔會怪佢，仲會好欣賞佢。可惜，佢唔係，佢只係好鬼祟咁爆個少少野出黎，然後連回應都唔再回應！簡單D 咁講，徹頭徹尾係一個鼠輩既行為。可耻得行！
至於梁振英，只要你唔好對佢抱有期望，咁應該都唔會點失望既。
