KeL:就係咁先煩
不過3個中最小上陣時間應該係Deulofeu
(2014-04-07 10:23) 
都唔係架。頭先做左個簡單統計，發覺愛華頓中前場既出場分佈其實都好平均下。DEULOFEU 上緊位。
佢係今年年頭頭，二月初對熱刺個場處子登場。打左三場後備已經係主場對西咸首次得到正選。然後跟住個五場聯場入面，三次正選兩次後備。係尋晚個場之前個兩場都係正選黎的。五場波貢獻左一個入球兩個助攻。比起其他中場一D 都唔遜色。
即係，最近十場波中（計埋兩場杯賽），佢四場正選，六場後備；最近五場波，三場正選，兩場後備。就係因為佢，米拉拿斯先會突然有兩場放左係後備席。佢係直接影響米拉拿斯出場機會既球員。
米拉拿斯之前個十幾場波，場場正選的說。就係DEULOFEU 第一次正選個場（即主場對西咸個場），第一次被列後備。仲要後備出場既機會都無。然後最近作客紐卡素同富咸個兩場，個正選都係被DEULOFEU 搶左的。
