Gabriel:所以我先話今次唔算絕情，可能都同Wilshere都叫係阿仙奴大有關....
以佢實力，就算係今時今日既市場，佢真係無咩議價能力，而家只係減佢一萬磅咋....以佢而家既profile....轉去中游應該難啲拎到100k....而去俾得起100k既大球會就一樣要坐板...
.......
(2018-01-17 12:41) 
宜家唔係講緊佢絕唔絕情！我由頭到尾都唔係講緊呢樣野。我係從好商業既角度去分析球會係處理咪輸呀續約事件中既手法。
佢傷左唔同佢續約你就話佢絕情。宜家唔係。
首先，我地要知道，球會究竟想係呢個DEAL 到達到咩目的。不外乎兩個可能性：
1. 保留球隊實力。認為咪輸呀可以成為球隊未來既重要一員。所以盡快同佢續約。
2. 只想出售球員，套現以買另外一個更具實力既球員。但必須先以續約爭取更多時間。盡免出現山齊士、奧燒事件。
無論係一定係二，大前題一定係：唔好再拖。快刀斬亂麻。快快趣趣續左約先。了左件事。因為咪輸呀既續約，相對宜家球隊要處理既事情：1, 山神士轉會、2. 奧斯爾續約、3. 恰談奧巴美揚……等等，都屬於無咁重要既事情。盡快了結佢，盡快集中精神處理其他更重要既轉會，先係明智。減人工，好大機會會拖慢左成個續約既過程，因為雙方肯定仲會磋黎磋去有排傾。咁就會帶黎更多既變數。最惡劣既情況下，拖多幾個月都未傾得掂，然後又出現「咪輸呀可以約滿後免費轉會」既後果。阿仙奴再一次人財兩失！又或者，即使比你續到約，係球員心裏面，你插左條刺落去。令到球員對球隊既歸屬感大減。將來如果有機會，又會另覓新東家。佢打起左，一樣無左個好球員。
而最最最重要既係，正如我所講，攪咁多野，咁你慳左幾多？
一萬磅周薪……………
頂你，你有心壓佢價就壓盡D 。減佢五萬磅哎笨。一萬磅，肉肉酸酸，講出黎都醜啦。
