五個人爬雪山遇雪崩，被困雪山，其中一個仲因為支持唔住而凍死左。但其他四個人無掉低佢，佢地立誓要帶埋呢位朋友離開雪山。即使佢已經離開左佢地。於是，四個人帶埋一條屍繼續搵路走。終於被佢地搵到一個廢置既木屋可以暫避大雪，以等候救援。
當夜，溫度急降，四人一屍困於屋中。佢地知道自己唔可以訓，一訓就會長睡不起。所以諗左個遊戲。四個人分別站係屋既四個角，一人企係屋既一角，然後第一個人開始向另一個角既人走去，去到掂一掂佢，然後可以停低，原來企係到既呢個人就要再向下一個角落既同伴進發。如是者，一個掂一個，不斷係間屋到轉圈，以保持每個人都清醒。但又不用過份浪費體力。
佢地好努力咁保持自己清醒，期間真係有人支持唔住訓左，好在只係訓一訓，好快就會有同伴走過黎拍醒佢。佢醒左，就繼續走向下一個角，拍醒有可能已經訓著左既同伴！時間一分一秒咁過去，佢地都唔知係呢間屋到走左幾多個鐘。只知道好累，好凍，好眼訓………好想放棄……
就係大家都支持唔住既當兒，屋既大門被撞開，陽光透入黎！啊，救援人員到了！同伴們都精神一震！歡喜若狂！不過佢地無忘該已經離開既同伴，帶住佢既屍骸，離開呢個傷心地。
係醫院到，警方分別向佢地每一個人錄口供。佢地亦詳細咁向警員講述事發經過，但當警員幫佢地錄完口供，對完每個人既口供之後。就即時決定控告佢地串謀謀殺。謀殺既，正正係佢地一直都唔肯放棄既遇難同伴。
點解呢？
