引用第80樓freezefox於2011-10-12 16:09發表的“”:
佢地係要黎做「資產轉移」的。情況有兩類，一類，錢根本唔係自己的，黎香港走一轉，就變成自己的；另一類，錢係自己的，但放係內地無安全感，驚一朝訓醒可以突然無哂，放係香港，就算點跌，都有渣拿。
洗黑錢就洗黑錢啦，駛咩講到「資產轉移」咁複雜。
仲有，大家真係覺得個市會大跌？我睇法有少少唔同。我個人睇法係只有調整，而好難會大跌。
首先，係息口方面，我就從未見過咁低既息口之下有大跌市的。而家個 p 係 5%，九八年大跌果陣個 p 係 10%，八九年果陣個 p 係 11%。仲要，以前講緊既按揭利率係 p+ (我當年都供緊 p+2%)，而家就個個最差都 p-2%，仲有好多都係 h+0.x% (我而家都係 h+0.6%，每個月俾既息少到喊
)。實際既按揭利率同當年相差成 9%-10%，即係話大家既 staying power 都強好多，起碼唔會出現當年既斷供，大量拋售單位的情況。而且係聯繫匯率同美國無加息條件之下，個 p 都好難好似當年咁大升幾厘。而家既所謂加息，都只係微調 p- 後面個數，而且只係影響新造按揭。
其次，當年「炒盤」勁多，我有個 friend 當年都揸成十個盤，班炒家 leverage 甚大，一有咩野風吹草動就個個爭相走人，做成骨牌效應。但係而家既炒家相對健康，反而較多既係大陸既「黑錢盤」，呢班友仔實力雄厚，佢地好多都只係想運走資金，相對唔係咁重視短期上落賺蝕，個價跌左咪當係洗錢既手續費囉。
唯一可慮既就係供款佔收入比率上升至 49%，接近危險邊緣。但係同九七、九八年高峰期既 70%-80% 仍有一段距離。所以，我個人覺得調整 20%，甚至去到 30%，個樓市都仍然健康。但係要好似當年咁大冧 60%, 70%，機會就比較微。
