A 隊： freezefox
龍門係 RYAN ＋ McCarthy 呢個組合暫時睇都仲幾唔錯。 三周入面有兩周拎到CS。算係咁了。 暫時都唔駛理住。
後防五個有四個都有正選。有三個有不俗既得分能力。勉強夠用。第五個無得出既 SALIBA ，都跌左兩亳，宜家換走佢反而會蝕錢。唔理佢KEEP 住反而無影響。 咁就KEEP 住算了。 反正每周最少都要有一個後防係SUB 位，長放第三個SUB 吧。所以後防位又唔駛理住。
中場五人最頭痕。如果SON 無傷既話，最少可以KEEP 多五六場。 宜家要搵人代替佢了。 SOUCEK 本來都係骨。可以唔理住。 最失望係新麥士文。連做骨都唔得。 呢兩周係諗住郁佢架啦。但宜家急住攪SON 個個位先，佢又要放埋一邊。
前線三人。 最需要大執。 今周本來諗住第一個換走安東尼奧。因為西咸既地獄賽程開始了。但估唔到西咸尋晚打左場爭氣波。令我對呢隊波大大改觀。雖然之前已經知道，西咸即使連輸兩場，但並非如想象般弱。 但尋晚只係睇左 廿分鐘，直頭覺得佢地搵到條路。 新既陣式重用兩邊翼衞，馬素阿古得以重生。 連帶前面都打返起。一早都話，唔好再用盧保架啦。呢兩場無用盧保，好左幾多⋯⋯⋯呀，愈講愈遠。結論係，我會比多兩周既時間再觀察安東尼奧。反正換人名額有限。一步步黎。黎緊兩場分別作客李城同熱刺，難打，但唔代表安東尼奧入唔到波既。 之前作客阿仙奴都比佢入到一球啦。
原本好有信心既TW，無諗過林伯突然又變陣，重用艾巴咸。 佢變左要打邊。 感覺得分位會比人搶左一大半⋯⋯⋯開始對佢有少少動搖。但車仔賽程好。 宜家亦未有名額諗到佢住。 遲D 啦，遲D 再諗。
最後就係卡林威爾遜。 好失望。比第一場既勝仗呃左。 紐卡素完全唔掂。至少暫時都睇唔到佢有咩改善。 今場如果唔係主場對般尼，我可能負 4 都換走佢了。但既然對手只係同級既中下遊球隊。咁又比多次機會佢啦。
結論，今周FREEZEFOX 暫時唔諗負4 住，只換一個位。由於手上有 4.5 剩（係呀，剩左成 4.5 呀！） 。最簡單，SON 換迪布尼。攪掂。 煩都唔駛點煩。不過，做左呢個換人後，手上得返1.9 ，之後要執另一個前鋒就唔容易了。至少，大熱既占美利斯唔到我諗了⋯⋯⋯
[ 此帖被freezefox在2020-09-28 23:35重新編輯 ]
