dolphindt:下次我都係唔0甘積極嚕, 本來有3票OK, 可以就甘過,
都係唔回po , 唔投票, 唔 tag 人, 唔理野最好,
.......
(2016-11-25 19:34) 
我諗唔需要下呢個結論既
積極叫人投票係有可能令到本來未知點投既人多左動力去投，但呢票係贊成定反對唔投都未知
您積極叫人trade叫人投票一定係好事，可帶動討論氣氛。就好似而家咁，我返緊工，平日呢d時間唔會上來傾計，但會望一望d post，就係因為你既積極，令我而家發表一堆意見，對遊戲本身是好事呢。
老實講，我個人好重感情，您係我fantasy玩家之中最熟既幾個之一，所以我盡量唔想veto您既trade。所以上次果個我一見到就出來ok。今次呢個trade我一早就知，因為你之前果刻先send offer比我，我未reject你就轉左同chun trade了。
可能我係睇低左保林利，我一望今季堤基原來比之前幾季都穩定，再望knight今季原來咁失望，甚至有呢句評價： His trade value is scraping rock-bottom and owners may want to consider benching him until he heats up.
咁呢2個球員已經係差好遠，另外一來我覺得保林利係一d不會太爆但有一定數據既球員，我就諗佢2個加埋都未必夠一個好穩定的堤基好。同埋就算加埋一樣，只用一個球員位當然比用2個球員位好，加上保林利+knight都唔係差到要即掉，咁即係trade既另一方要放棄一個現有球員。
即係對家要用一個堤基+可用來add drop既位換來兩個唔會drop但又唔夠堤基好既球員，所以我覺得幾蝕下。
但諗到可能chun本身好渴求呢2個球員既數據加上心底裡唔想海豚個trade被reject，所以先暫時棄權
