引用第11150樓你班友cher夠未於2010-05-02 17:41發表的“”:
http://football.on.cc/football/tip/20100502/fbtipa0101x0.html
出唔到 [表情]
.......
理智告訴我車仔才是最佳選擇
文： 黃興桂
英超尾二一週，利物浦主場迎戰車路士呢場重量級大戰，各位球迷真係要戙高床板慢慢欣賞，我為呢場大戰亦準備大量數據同理論提供畀各位參考，經過反覆思量，雖然感情上我鍾愛利物浦，但理智卻叫我捧車路士！
總結利物浦捧唔過，有以下五點：一、利物浦球迷數量實際上多過車路士，加上普遍球迷有鋤強扶弱心態，今仗紅軍受讓，必然吸引大量投注；二、光棍佬教仔，便宜莫貪。利物浦受讓，咪以為好著數，隨時係陷阱；三、利物浦今屆聯賽輸過畀車路士，因為輸防守中場。紅軍中場得馬斯查蘭奴專注防務，盧卡斯利華或者阿古蘭尼都經常參與進攻。相反車仔米基爾同波歷克狀態大勇，利物浦難以匹敵；
四、 利物浦今屆海鮮味實在太濃，雖然次次都在被睇淡之下贏波，但係而家利物浦乜都冇得爭，今次未必行得通；五、紅軍門將連拿表現唔穩陣，聯賽不容許失誤存在。
車仔聯賽連番失利可減壓
車仔平均實力比利物浦強，留意該隊近期動態及傳媒訪問，均以聯賽為最大目標，首先是教練安察洛堤早前表示，球隊無法同時兼顧英超聯賽同歐聯。雖然會方早已把歐聯冠軍放在第一位，但係歐聯出左局就好快收拾心情英超爭冠。車仔歐聯失利，球員積存冠軍飢渴感，準備在今場完全釋放出來，當正決賽來踢。至於利物浦今屆頭頭碰著黑，皇牌射手費蘭度托利斯傷多過踢，仲收埋咧。而且領導層不和，將士不用命，加上賓尼迪已經江郎才盡，單靠「神奇隊長」謝拉特扭轉頹勢。相反，車路士為爭取英超冠軍一定搏命，贏埋呢場基本上就坐定粒六捧盃，所以小弟大膽向大家推介車路士讓球贏。
我當然希望利物浦贏波沖喜，但理智告訴我車仔才是最佳選擇。
桂神
