【on.cc東網專訊】
韓國人氣綜藝節目《Running Man》女主持人宋智孝，來港為時裝活動擔任剪綵嘉賓。雖然智孝這次已是月內第三度來港，但依然吸引逾500名fans逼爆活動現場，智孝出場時，
fans們即不停歡呼，排在對面馬路的fans為近距離接觸偶像，更不顧安危衝出馬路，最終要勞煩警察維持秩序。期間fans又大叫智孝緋聞男友兼節目拍檔Gary的名字，
她聽到即掩面喪笑，又輕輕拍掌，表現興奮。
問智孝一個月內來港三次，會否覺得自己很紅？她說：「好多人歡迎我，真心多謝大家。」現場所見智孝臉容頗為憔悴，問她是否忙拍劇所以較疲累？她表示：「啱啱開始拍，我會俾多啲心機。
（聖誕節點過？）聖誕會拍攝《Running Man》，同拍檔一齊慶祝。」問到Gary可有私下約會她？她表示要跳過這條問題，但就忍不住掩面甜笑。至於預備了什麼聖誕禮物送給節目的所有拍擋？
她竟表示：「大家唔想送嚟送去。」提到她在節目中被指太靚而獲得「美貌罪」？她聞言即尷尬笑說：「如果大家認為我有呢個罪，多謝大家，我會繼續保持靚靚。
（Gary會嚟香港開演唱會，你會唔會做嘉賓？）首先恭喜哥哥有機會開演唱會，我到時會喺韓國拍劇，會喺韓國支持佢。（大家話你係天然美女，你點睇？）好多謝大家欣賞，係化妝化得好，多謝哂。
（有電視台選舉最佳情侶獎，你有無信心同Gary得獎？）如果得獎會多謝大家，我哋係電視螢幕情侶，希望大家繼續支持睇我哋。」
http://hk.on.cc/hk/bkn/cnt/entertainment/20131212/bkn-20131212154300883-1212_00862_001.html 
