其實抽水唔關咩迷物迷事,係個人ge問題,
最討厭就係d人抽水用曼迷,利迷,車迷,阿迷,_迷等等成個群組去抽,
"_迷係咁架la"
又或者次次敵對球隊失分都講番同一d說話->
"又輸唔起","唔記得過數","球證收左錢唔做野"等等..其實真係好無謂
又講個例子,希望當事人唔好介意..
之前車仔對QPR果場波,就算我捧QPR,見到最後個賽果都替車仔好唔抵,我都有去個topic"幫口",當係為值得贏波但輸ge球隊撐一撐又好,安慰一班車迷又好,當係自己無聊加把口又好..總之我係真心為呢d咁ge比賽而惋惜,
但好奇怪,到左第二日,竟然見到個球證crossover曼聯ge PS相
果下我真係呆左..點解???
究竟點解?????呢場波究竟又關曼聯咩事呀大佬
你話呢場係季尾波,曼聯因為車仔失呢三分而直接得益奪冠,針對曼聯都算合理丫..但而家先季初,而且無論當時定而家形勢,又或者講財力,曼城都比曼聯好吧..(當然,你去抽曼城水我都會覺得好愕然..)
呢單野唔係想話邊一個人錯定點,而係想指出,有d球迷已經將憎恨敵對球會放o係第一位,無視情況,無視環境咁去針對敵對球會,把握每個機會去抽水..好似以上件事咁,我明白會唔開心,你支持/鼓勵車仔又好,發QPR火又好,用d關於車仔/QPR ge相等等又好.都算係好正常..但最後都會拉埋同件事無關ge曼聯落水,咁係咪太過奇怪?
呢種係一種病態,亦會蔓延..
唔好話其他球迷,就算曼迷當中都有經常抽水ge人,應該話絕大部份多fans ge球隊都總有一兩個人係咁的.
好多本身無咩野ge人比人攻擊又忍唔住回一兩句,係惡性循環,講到底,始作俑者都只係某幾個會員,只要呢幾個人肯收斂下,其他人跟本就唔會/或極少亂黎..
要明白,想自控唔無故抽水好多人都做得到,但俾人攻擊要無反應真係唔容易,大家上黎好友為咩?為吵為唔開心?
唔係想放鬆下,娛樂下先上黎架咩?現實已經好多壓力,上到黎都俾人無故攻擊又要夾硬啞忍,咁都好辛苦..唔係想鼓勵/支持冤冤相報,做到唔還擊絕對係好事,
但同時我會體諒還擊者ge心情,當然,絕對唔好亂黎,俾人攻擊唔係大晒,人地撩你先唔代表你可以斬番佢全家..講到尾,自控好重要..
個人意見..整個問題重點始終係一小撮人不停攪事,而唔係大量會員互相抽水ge問題
即係某某隊前球員個親戚隻狗識左隻貓抓傷人不顧而去..又走去開topic抽某某隊水..真係有必要咩?
