劉丹既神唔係單單在於一件事或一個人。
鼓佬上電台剖白，佢係完全無任何蛛絲馬跡既情況下即時可以睇穿佢係做戲！SORRY，呢個只係電視劇先會發生的。現實上邊有可能？佢跟據咩野去質疑鼓佬既動機呢？佢之前、之後係咪見到D 野令佢有咁既睇法呢？無！情節入面無交代！
所以我地先會覺得佢神！神既真正意思係：「邊有可能哎？」
競選期間，鼓佬搵人做戲柴自己台，佢又第一時間認定係鼓佬搵人做戲。理由係：「十幾年黎我對個咁多個工友，有邊個我認唔到？我未見過呢個人！」
其實大家有冇諗過呢個「理由」、「跟據」係何其牽強，何其薄弱？係咁既所謂「證據」下佢已經可以百分百肯定係鼓佬自己策劃既一場戲………
但點解唔可以係自己記錯，又或者係對手搵人番黎抺黑自己？事實上當其時佢地的確不斷受到對手抺黑同埋惡意中傷，甚至毀壞佢地既宣傳物品。正常人諗野，唔係應該會估計係對方暗算自己咩？何以佢可以咁「神」，一野就可以判斷係自己人做戲？
又係神囉。
今次，佢又係咩野證據、蛛絲馬跡、現象都無既情況下，一野就睇得出係李思雅出賣工會了………
神到如此！佢點解仲入唔到立法會的？！
