個艾希真係痴線.................
一開波佢話抓jg,ok,無問題丫,但駛唔駛連閃一百次燈...
好la,最後順利殺到人..我用口水怪..好彩首殺到..佢就黎料,直接話我廢物,淨係識尾刀..
殺完人我就走去下路開始農兵..個艾希都係下路..但佢唔識尾兵,nvm..
佢打得好侵略,打對面英雄(提摩+口水怪)多過打兵..咁我盡量配合佢,睇下殺唔殺到人la..因為對面企位都頗曳..
無幾耐,情況大約係..對面口水怪淨番1/3血,提摩半血,我7~8成血,艾希1/3血.(真係好早期,大家都3等左右)
我搵緊機會ge時候艾希突然直接衝出去想殺口水怪..咁我梗係跟埋去la..對面提摩又加入..好快對面口水怪死左..(我殺..)..艾希死左(提摩殺)..提摩又死埋..(我殺)..
艾希當然又鬧我廢物..尾刀..etc...一直鬧到佢復活行番黎我呢邊..我都廢事同佢嘈..專心農兵..
又過左一陣,我又殺到人...又俾佢鬧..又話咩單挑..
基本上下路對手頗弱..好快我裝備都已經算ok,艾希有雙紅但無任何+攻力ge裝備..所以可能因為咁跟住2打2多數都係我殺..講真,我真係完全唔想搶,但佢攻力低我太多..攻速都唔夠我快..除非我唔打..唔係人頭好易比我拎到..呢段時間除左真係同對面英雄打緊..唔係ge話佢係keep住鬧我的...
好快破埋下路塔,我回城..其實我已經唔想再同佢一齊行..見到佢係咁煩係咁鬧..我想無視都難..
咁中路咁啱隊友俾人攻緊,我就幫中路la..佢都要話句,又想去中路搶尾刀之類ge說話..
去到尾段,我都頗肥..除左對面血厚達瑞斯..其他英雄都頗易殺.
最滿意係有次殺完達瑞..走果時再撞到兩個..半血1打2..就死果時用治癒再殺埋兩個...不過俾口水怪真傷爆死左..我死左..艾希仲話我抵死,尾人刀報應...
最後都無驚無險贏左..因為除左艾希5/1x/11,其他隊友都唔錯,又有坦同逆命幫我.
如果唔係艾希,呢場應該真係可以輕鬆開心玩..最後22/6/13..算係幾高興(雖然只係因為對手弱)
未試過遇到個咁煩ge人...俾佢鬧足成場...我同人打果時佢又係咁亂咁閃燈...
睇結果果度仲要繼續鬧,仲要話寧願輸自己殺最多.
[ 本文被真秘密在2012-07-17 01:43重新編輯 ]
