引用第12487樓05cw2於2011-12-19 16:41發表的“Re:◤紅軍研究所◢ - ☆ You'll Never Walk Alone ☆ 永不言敗”:
其實downing 打右好過打左好多，至少唔會好似打左面咁隱形。我見到s7好慘，每次攞波都比1-2個後衞招呼....
B39䦕波打得好好，利記好須要呢一種翼，一月真係要買翼呀。
中場防守方面未受到真正考驗，h14唔善於攔截，a26茅茅地....
講後防線，我地肯定係top1-2,今年有e3,攻得又守得，減輕左中堅壓力。
好期待一月會入乜嘢貸仔！希望今年入到頭4！YNWA! [表情]
防線方面完全同意~~
上季係lucas冇左gerrard嘅”陰影”之下成長, 今季輪到skrtel冇左carra”陰影”下成長~~ 而家季中已經入左2,3球, 真係開心~~ 同埋之前skrtel要就carra所以踢左面個中堅位, 但而家有agger, skrtel可以去返右邊, 睇得出佢都易踢左. 仲有, 以前因為同carra拍擋, 對方都知道carra只會大腳, 唔會帶波上, 所以一press就會俾壓力skrtel, 但而家, 因為唔可以唔防agger, 所以連帶skrtel上腳時所受嘅壓力都少左, 多左帶波上, 少左回傳俾reina. 有呢d帶到下波嘅中堅真係好, 好踢好多.
仲有, 而家就算回傳俾reina, 兩個中堅都會企開d, 企遠d, 有少少似左右閘嘅企位咁, 而adam (lucas傷之前係lucas)就會返落黎拎波, 呢個模式其實同barca一樣!! (pique, puyol企開, busquets返黎拎波) 咁樣就更可方便從後面造個攻勢上去, 好正~~
而縱合黎睇, 我地呢pair中堅, 呢一刻計狀態計實力計合拍性, 英超之中真係數一數二, 唯一係制空稍為差少少咁啫. 而成條防線都表現出眾, 新買嘅enrique固之然對辦, 仲有本來嘅agger + skrtel + johnson(係, 仲有間唔中失魂嘅情況) + reina (話咩rafa唔識買人, 浪費金錢喎….) 所以而家後防真係唔擔心(冇傷冇病的話)~~
至於進攻上.... 買唔買翼我真係冇意見, 始終我覺得我地plan a唔係靠好多翼…. 用多d maxi搭suarez, 有埋downing, kuyt, 仲有據說就快復出嘅隊長, 都ok嘅. 反而plan b就真係要多隻翼去配合carroll. Downing打右係有佢好處, 打左邊一黎同enrique幾時上邊個上仲未夾好, 二黎得一招好易俾人睇死…. 去到右邊, 可以cut大位, 又可以用右腳出波(佢右腳都出到波架, 當然冇左腳咁精準…. 但都唔差架), 最緊要係有變化, 人地冇咁易捉到佢路, 咁樣難守好多~~
反而我覺得可以買一個平平地嘅執雞型前鋒, 必要時可以後備上陣, 都應該幾有用.
