只求大路, 不求驚喜
本週切塞納將返回主場, 迎戰作客的卡坦尼亞. 賽前領隊sam表示, 今仗只求穩陣. "一切都以大路行先, 冇錯, 穩穩陣陣, 而且d大路人選好似都幾爆分咁, 入晒佢地冇錯架喇!" 此舉會否與素來別具一格的球會作風有所衝突, 又會否引起班主不滿, 甚至令球迷失望? 領隊看來已有準備. "冇錯, 今次可能真係一反常態, 不過, 我會用成績證明呢次嘅賭博係值得嘅~~"
賽前準備工作方面, 可能由於上週僅以0.5分落敗之下, 今週球員們都份外專注, 務必以最好的表現報答支持者. 上仗在大好形勢下, 最後kompany竟以-1分收場, 以致連和局也不保, 據聞領隊sam對此甚表不滿, 有傳更在更衣室內大發雷霆..... "冇, 冇咁嘅事. 我從來都係冷靜型領隊. 所以我根本唔會做d咁嘅事. kompany表現係唔好, 佢自己事後都唔好受. 大家喺更衣室都不發一言. 呢d情況, 我都覺得俾大家冷靜下, 係一件好事. 好過大家互相怪責對方." 那麼這會否意味著kompany以後會就此在切塞納絕跡呢? 領隊sam斷然否定此一說法. "係人都會犯錯, 如果因為咁就永遠踢走佢, 未免太不近人情了吧? 而且kompany係人才黎, 我點會自己斷絕自己嘅門路呢?" 言則, kompany也會入選這週的大軍名單吧? "唔係嘛, 靚女記者就話啫, 連你都想套我料?!" 就在此時, 小記被打發走了.
