尋晚.... 真係好失望....
我覺得一班球員, 加上管理團隊, 都真係愧對球迷.... 應該要回水俾出錢出力嘅作客球迷....
gerrard同adam根本唔可以同時存在於球場上.... gerrard剛剛先至從一個歷時大半年嘅傷患中復元, 狀態都未提升, 搭住活動能力頗低, 加上速度又慢嘅adam, 中場竟然俾對方搶羸晒.... 但都要讚返m.davies同reo-coker嘅超級勤力, muamba都唔使做太多防守....
前面更加唔使講, 弱到呢.... 唔知daglish係咪諗得太複雜.... 一時3中堅, 一時又4-4-2, 一時又4-5-1, 反而唔記得左d基本野.... 例如: downing同carroll呢d擺明一齊出就最有機會相得益彰架嘛, 而maxi同kuyt, 上季下半季冇carroll的時候, 打前場pressing + 靈活跑動, 兩個都風生水起, 而今季.... maxi開頭都唔錯, 有入下波, 但一入完下場就被收起, 而kuyt.... 就直情打唔起....
至於今季比較上可以引以自豪一下嘅後防, 尋晚都終於有犯錯嘅時候.... 咁冇得講嘅, 場場都咁醒真係冇咩可能, 只不過睇下係邊日會咁唔好彩齊齊switch off....
但係.... 喺gerrard狀態未回復, lucas out for season, 再加埋suarez停賽.... 可以話係球隊中場同前場嘅骨幹都冇晒嘅情況下, 都預左呢排真係會係咁先.... 雖然話睇季初時, bench實力有提升, 但我地仲未去到一個地步係可以冇左兩位最重要嘅主力都仲可以正常運作嘅地步.... 正如強如man city, 冇左silva同yaya一樣係差d, 後面冇埋kompany就直情有多少唔掂一樣.... 而家唯有希望對強隊可以打d士氣波啦....
