[日本]我又有得去日本了 [復制鏈接]

freezefox:你去立山，又唔係高山。 (2017-04-24 11:54) 

去上高地丫麻...

開始諗緊洗唔洗特登買d係雪山用既野(雪爪)之類上立山

話曬都要過一晚夜,又想夜晚同朝早出去睇下景

出發未?

科高蘭尼紐約人:出發未? (2017-04-25 01:17) 

下個月先去

今日朋友影

搭單問下...除左大阪城, USJ之外

大阪有咩景點必去架??

同埋有無咩食過番尋味既野食推介

Gabriel:搭單問下...除左大阪城, USJ之外
大阪有咩景點必去架??
同埋有無咩食過番尋味既野食推介[表情] [表情]
....... (2017-04-27 17:42) 

好多喎。

今日爆左單香港人book左室堂住宿最後no show,人地以為佢雪山遇難既事件...


真係整臭曬香港人個朵

英俊:今日爆左單香港人book左室堂住宿最後no show,人地以為佢雪山遇難既事件...
真係整臭曬香港人個朵 (2017-04-27 20:30) 

1.  佢地好似話係遇到風雪，因而迷路而未能到達室堂。立山天氣可以好惡劣的。

2. 佢地有通知旅遊代理，唔知所指既代理係旅行社定係代訂酒店網站。



咁都叫整臭香港人個朶？定係無論幾惡劣既天氣，摸黑入山都好，都一定要現身？到時會唔會又好似係喜馬拉亞山死左個女仔個單咁比人鬧無腦？拎自己條命黎較飛？

freezefox:1.  佢地好似話係遇到風雪，因而迷路而未能到達室堂。立山天氣可以好惡劣的。
2. 佢地有通知旅遊代理，唔知所指既代理係旅行社定係代訂酒店網站。
....... (2017-04-28 08:49) 

我都比班傳媒fake左...

我以為佢地無通知旅行社

跟住各大報章又定義呢單野做港人出醜事件

喜馬拉雅山果單好似係雙重意外 天氣問題加墜崖
其實比人鬧得好無辜 如果無腦既話其實都唔會捱到咁耐

咁日本呢單 可能會表達得唔係幾好
日本有樣野叫報聯商 簡單d講姐係平時返工你都要同老細好好交代工作上所有野
日本人文化好睇重呢樣 其實都係件好事黎既..
講返件事先 事主唔現身都可以通知返住宿果到d人
但原來事主係有通知返旅遊代理既 咁問題就要落返去旅遊代理到了

題外話 : 我同事上星期經 Expxxxa 訂左珠海酒店既房 , 本身間酒店係近拱北 , 即係經由澳門過關行5分鐘就到 . 但去到發覺間酒店俾圍板封住左 , 個保安話間酒店係新年前已經結左業........

咁佢即刻聯絡 CS, 但 CS 都答唔到點解仍然仲可以offer 到 , 經過左電話角力之後 , 都話只係可以立即offer 兩間酒店 , 分別係

(1) Holiday Ixx  -  表面好似upgrade左 , 但實際要坐15分鐘的士去 , 同埋好荒蕪
(2) 另一間近關口 , 但要行多五分鐘路

咁我同事最後擇左 option (2) , 因為始終近關口同多野玩 , 但最搞笑係去 check in 時酒店同佢講無晒房 , 要俾間類似員工宿舍既單位佢住 , 由於果陣都近天黑 , 只好無奈接受......

而家同事準備緊寫信去投訴.....
(完)


純粹share.......

當然佢地係有可以改善既地方，但我覺得將呢件事同一般不負責任既NO SHOW 行為劃上等號，就不太公道了。


我仲記得，尋日呢單野一開始時，只係話有兩個港女係立山失蹤，無提NO SHOW。於是，有一半留言係祝願佢地吉人天相，另一半留言就已經見到有人開火鬧D人不自量力，同之前行山遇險劃上等號，似乎所有行山人士，一遇險就一定係「不自量力」。查實成段新聞就係得個兩行字，咩資料都無，我好佩服D 人係咁少資料既情況下，已經了解成件事既始未，然後已經可以判個對港女「 不自量力」，「拎條命黎較飛」。


好啦，幾個鐘頭後（應該都無兩個鐘），又多少少資料。原來報警既係旅館，唔係港女。又跟住，有消息話搵到兩位失踪人士了。跟手某間不負責任既網上傳媒，無端端就係標題到加左句「NO SHOW」！但其實內文又寫左，佢地係有聯絡代理的，有通知對頭人（佢地既對頭人就係代理）。亦都有提到未能及時到達既原因，係因為遇上風雪（係真係假無人知哎）。理論上，照內文既內容，係無理由會歸納出「NO SHOW 」既結論。咁點解標題又會用到NO SHOW 呢？好簡單，咁咪可以引到一大班只睇標題唔睇內文既網民口誅筆伐，大大增加點擊率囉。呢個網媒根本就係存心不良！


但又如何呢？就係一大班網民，只睇標題，咩都唔理，先鬧為快！反正鬧人無成本，又唔駛負責！鬧錯左又唔駛認錯。有咩所謂。

成日話港豬，港豬，港豬點黎架？咪就係咁黎架囉。

我唔知大家訂酒店既習慣係點。我自己習慣經HOTELS.COM 又或者AGODA 訂完酒店，都會再用電郵同個間酒店核實多次。因為真係試過訂左酒店，去到話無我既訂房紀綠。攪左好耐先搵到。自此之後，我都會事前同酒店直接確認的。


但大家知唔知道，日本既酒店，要搵佢地既電郵都唔係咁容易。就算去到佢地既網站，你可以搵到電話，就係搵唔到電郵地址。好多時都要費一輪功夫，左搵右搵先搵到個電郵地址。有時，你出左電郵，唔代表一定有人覆你的。我試過出電郵比酒店，預早兩個星期添。直到我出發都無人回覆。去到間酒店佢先話原來佢地唔識英文。所以唔知點覆。我亦試過，點搵都搵唔到間酒店既電郵地址。結果放棄（呢樣事例唔多，咁耐以黎只發生過兩次）。所以，好多客人只會同代理接觸，好少會直接同酒店DEAL 。


但我知道大部分人經代理訂酒店之後，係唔會做我上述呢D 功夫的。因為太麻煩了。反正經網站訂左，就當攪掂。至於取消，亦都係經網站攪掂。我唔信有人取消訂房之後，會親自打電話去同酒店交代囉。有都萬中無一啦！咁如果取消既過程中，代理出錯，無取消到，咁係咪又係當係旅客NO SHOW，又要公審佢？



至於打電話。香港人去日本旅行，買個張SIM 卡，係只能夠上網不能夠打電話的。你要打電話就要用電話卡。但好多時根本無呢個需要。因為你要打番香港既話，可以用WHATSAPP，可以用SKYPE。要打去餐廳或酒店，可以搵你下榻個間酒店幫手。你無幾可會係街到打電話比人的。所以一般都唔會特別比錢又去租多張電話卡。有時，遇到急事時，你就係打唔到電話的了（真係急事既話，插番自己張卡用漫遊吧）。

freezefox:成日話港豬，港豬，港豬點黎架？咪就係咁黎架囉。 (2017-04-28 10:49) 

港豬好簡單......

高大型男救貓就會俾 like 架喇