引用第112樓三郎於2008-10-08 21:54發表的“”:
話番轉頭..政府、銀行今次件事真係一d責任都無?
我對香港政府一向冇乜好感，但係今次都要為佢講返少少野……
而家好多人都走出黎話政府監管不力，點可以客許銀行出售呢類「高風險」產品俾一般投資者……
佢地話︰「銀行在銷售債券時隱瞞存有高風險，只向他們表示是較高息的定期存款，是屬於詐騙的行為；同時指摘政府監察不力，縱容銀行推出「糖衣毒藥」，要求政府及銀行為事件負上全部責任，賠償所有損失。」
但何謂高風險？如何衡量風險高與低？
估計(只能估計，因為無時間詳細研究)呢類迷你債券推出之時，無論係 historical performance, volatility, beta 以及任何 statistical measures，用任何準則去衡量，呢類產品都只可定性為低風險。再加上雷曼兄弟既 credit risk，係當時都應該係屬於低風險。
需知道低風險並唔等於零風險，呢個世界根本就無零風險。就算存款係銀行，銀行亦有倒閉的風險。購買政府債券，政府亦有倒台的風險。我地並唔可以因為銀行倒閉或者政府倒台就夾硬話呢類係高風險行為。
至於銀行既銷售手法，我相信係有問題的，因為我對上都講過，我有呢方面既經驗。但係到目前為止，都只係苦主們的片面之詞，並無任何證據支持。佢地話銀行同佢地講呢類產品等同定期存款，但係你明明買既產品係叫「迷你債券」，點睇都無理由係定期存款呀！佢地又話銀行無提供資料，好多時得單張一張。嘩，得咁少資料，你又會去信？你又會去買？
