[電影]Marvel電影宇宙及Disney+討論區 [復制鏈接]

怒射角球旗:但想問大家，有冇失望? 有冇驚喜?[表情]  (2019-04-24 20:08) 

無失望
好驚喜

有留意漫畫既
一定更大驚喜

咁多套，我都未試過想係戲院二刷
呢套，我想！

迪克:
真係要睇左以往咁多集，今集先會睇得特別感動，特別催淚
.......

我覺得今集係講「心結」。每個角色都有佢既心結，有佢既遺憾。 IRON 同佢父親既關係，一直係佢人生最大既遺憾。美國隊長冰封七十年，令佢失去至愛。回到過去個一幕，TONY 見到佢老豆，仲要有交流。仲要聽到父親親口說如何重視自己！真係解開左TONY 既心結。美國隊長見番自己既愛人，卻連講句說話既機會都無。唔知係咪因為咁，促成佢之後既選擇。


相對佢兩個，雷神等人既心結則無咁感人了。可能之前鋪排得唔夠多吧。佢與母親既傾訴，個一幕唔係太大感染力。至於 黑寡婦既死我覺得直頭係浪費左，感覺真係死得不明不白。  講到底，元祖六人組，其實主要都係IRON 同美國隊長由頭帶到落尾。今套係佢地既謝幕禮，主力描寫佢地既好應該。


美國隊長講九頭蛇萬歲同拎起個槌個幕，我諗就算唔係漫畫迷都會覺得好感動。但我覺得最震撼人心個幕，反而係地球大軍未出現，美國隊長比人打到殘，仲要一個人面對千千萬萬個異星敵軍，但仍然䇄立於前，臉不動容。個一野真係好有風蕭䔥丂易水寒既悲狀。

怒射角球旗:但想問大家，有冇失望? 有冇驚喜?[表情]  (2019-04-24 20:08) 

點可能失望！我覺得成套戲好有深度。唔係單單既娛樂動作科幻片囉。


驚喜位直到係多添啦！！好多驚喜！

chun1424:
我睇 820am 場，又無乜點拍手...

CM 過份屈機了吧。又係一個人就摧毀人地成隊艦隊，會唔會誇得滯？


但咁強既隊友，出場時間卻少到喊，真係變左閒角一樣。之前睇宣傳片佢既片段幾乎係成套戲一半既出場時間了⋯⋯⋯⋯

其實我有哂心理預備IRON MAN 同隊長會死的。但TONY 死個幕仍然喊出黎。


反而，無諗過隊長會唔駛死 ⋯⋯⋯我以為佢死既可能性仲大過IRON MAN 的⋯⋯⋯

有兩點唔太明；


奇異博士向IRON MAN 示意，一隻手指，係咩意思？就係咁簡單「一次機會」？咁佢呢個伏筆好流喎。


老去既美國隊長究竟係點返到去個個平行時空的？佢又無設備又無人手，無理由返到去架？

迪克:

.......

但我覺得雷神今集既造型絕對係一大驚喜位。

[quote]迪克:
btw,Ned，mj留班留左5年???
Peter“返嚟”已經係5年後，點解仲會一齊去“遊學”呢？


可能佢地大部分人都係失蹤人士啦。所以齊齊由YEAR 2  再讀過。

[quote]chun1424:





係佢赽個個宇宙既加姆拿係唔會翻生的。因為佢唔係彈指之間消失既人。係死於人為。

情況同幻影一樣。個個英雄翻生，就係佢無得翻生。因為佢唔係彈指之間既犧牲者。

不過，有一點應該同漫畫好唔同。


漫畫入面，接手美國隊長個個唔係巴基咩？

freezefox:不過 (2019-04-24 21:20) 

兩個都接過
好多人都接過

唔引用。。。。好煩。。。

隊長最後係返左過去後，掉左個gps，唔再返嚟

然後自己記住出發日期，再以老人身份出現

換言之，係果段時間，有兩個美隊，不過佢隱姓埋名去結婚

chun1424:
btw, 最尾im 喪禮果度，如來個金髮細路係

就係佢。仲要係同一個演員。