引用第14109樓rooney0809於2006-12-07 22:09發表的“”:
引用第1826樓rooney0809於2006-12-06 21:36發表的“”:
cheat money,because i didn't want to post twice,同埋馬會都受啦,x的
.......
文鳳 set 呢條 rule 既原因係要控制風險，因為真係爆莊既話對任何人對沒有好處，大家亦小左一個遊戲平台。雖然我自己都成日話要爆文鳳莊，但係都只係開玩笑性質，其實我係非常感謝文鳳做咁多野為大家提供一個遊戲平台。
文鳳亦講過單頭可以不受5注既限制，如果照你既講法，不同注可以不受上限既限制既話，我地豈不是可以買三十注同一投注項目既單頭？
文鳳跟馬會不一樣，馬會可以利用調整賠率黎控制風險，如果有大注落某一隊，馬會可以調低某隊既賠率，文鳳並唔能夠咁做，因為佢只能跟馬會最後賠率...
另外馬會亦有機制，如果有異常大投注於某隊時，佢可以停止某場投注，文鳳亦唔可以咁做。
甚至乎馬會可以係其他莊家對冲風險，文鳳當然亦唔可以咁做。
可能你會覺得條例上並不絕對清淅，但係正如剛才所講，文鳳並唔係馬會，搞個遊戲出黎只係為大家提供娛樂，並冇任何好處，條例上亦唔需要咬文嚼字咁清楚。大家只需清楚條例既目的而自律，而並唔係利用條例上既漏洞。
大家真係要爆莊既話，話都冇咁易，只需十幾二十人合作，幾個賽事日就可以利用到文鳳風險管理上既漏洞爆佢莊，但係咁做對大家或者對真係想玩遊戲既會員又有何益處？
引用第14120樓rooney0809於2006-12-07 22:43發表的“”:
我搵唔到呢條rule,同埋如果你去買六合彩買2張一樣的飛,然後中左頭獎,頭獎有10注中,唔通馬會比10%你only???
.......
足球投注跟六合彩並唔一樣，六合彩係先抽水後派彩，呢類叫parimutuel betting，並沒有任何風險... 足球投注就係 fixed odds betting，呢類其實係莊家跟客人對賭，要承受一定風險。
對於足球投注，其實馬會都會有風險管理... 你估佢會唔會同一場波受注幾千萬甚至幾億同一項目而不加以管制？
如果你要同馬會比較，馬會有一條條例可以隨時拒絕任何投注而不需作任何解釋。不同既係馬會可能有足夠人手能即時reject，而文鳳並唔能夠咁做。
引用第14126樓雷文鳳於2006-12-07 22:52發表的“”:
任何人犯規, 我都會俾機會的
你問心, 你都唔係第一次犯規 [表情]
如果做好人係會三番四次俾人恰既......由依家開始, 我唔會再做好人 [表情]
文鳳，其實之前有咁既事發生，我亦出過聲話唔妥，不過你就三番四次要做好人，並冇跟足條例去做，所以我覺得某程度上，你亦有一定責任。
我會提議除左第一注照足派彩之外，第二注亦可考慮回水，唔沒收，但係就講明以後會跟足條例去做。
最後，以上所有發up風都只屬個人意見，但係我既出發點只係希望大家能夠快快樂樂咁一齊玩遊戲、一齊睇波、一齊嘻笑怒駡！
[ 本文被red_trash在2006-12-08 03:57重新編輯 ]
