話說噚日標準流浪公佈簽咗個「本田圭佑隊友」，芳齡29，腰圍疑似39日本防中齊藤誠司，點知大約20個鐘後，流浪就公佈因為齊藤san適應唔到訓練同比賽場地而提出離隊，會方都唔勉強留人，願意和平分手。
球迷聽到呢個消息，相信唔少都笑咗出聲，仲有球迷話張約啲墨都未乾，齊藤就走人。其實噚日已經有巴打有先見知名，話流浪今次「又請人嚟遊埠」，點知今日真係即刻話走咗，笑死一班網民。
因為「本田隊友」呢個朵，有網民就好好心機咁樣搵返港甲/港超多年嚟「球星隊友」，包括有晨曦「朗拿度隊友」佐真奴同埋「阿古路師兄」艾耶拉、港會「雲達沙隊友」賀蘭特、「莫迪歷隊友」美路史拿域。好似有親呢啲名都冇乜料到，得美路史拿域好啲咋喎。
http://hk.apple.nextmedia.com/realtime/sports/20151216/54543414
