引用第62樓42174217於2011-11-22 13:03發表的“”:
呀，同埋老狐，我想問下，你話唔會轉向係因為跟返件事本身O既發展，
咁但係如果情境稍為轉換一下，
.......
其實呢類假設本身有一個好大既謬誤，就係所有野都係「一定」的。
講真，點解唔推個肥仔落條軋，最大既理由根本唔係殺一人救五人既問題，最大既問題係你殺左呢一個人之後，好大機會根本係救唔到個五個人。
所以，當發生係真實環境下，根本好多時候都唔係「殺一人救五人」既考慮。而係殺左一個人之後，你百分百係肯定殺左人，但你有幾多成把握救到個五個人呢？
即使係百分之九十九可以救到，你仍然係有一個% 既可能係救唔到。以人類既習性，好大機會會用呢一個% 的「不確定性」去左右自己既決定。所以係無可能會有人推個肥仔落去的。
醫生既例子一樣。救一個嚴重既，會令五個無咁嚴重既死亡。呢個機會幾高都好，都唔係百分百，好多時，我地就會因為呢個不確定性，選擇令自己最容易接受既方案：「先救最危急個個，番轉頭再救其他既「或者」都黎得切呢？」就係呢個或者令好多人避過左呢種A OR B 選擇。係佢既立場，佢覺得自己係「想」或「正在」救哂六個人的。
