90後 (?) 為坐「熱狗巴」罵車長 網民狂轟 [復制鏈接]

http://hk.news.yahoo.com/%E7%82%BA%E5%9D%90-%E7%86%B1%E7%8B%97%E5%B7%B4-%E7%BD%B5%E8%BB%8A%E9%95%B7-%E7%B6%B2%E6%B0%91%E7%8B%82%E8%BD%9F-211458628.html

【明報專訊】有成60幾年歷史、俗稱「熱狗巴」嘅九巴舊式非空調巴士，今個月內將全數退役，為紀念熱狗巴，唔少市民同巴士迷呢排都專程去坐吓熱狗巴緬懷一下，但部分人懷緬變搞事，唔單止瘋狂追蹤熱狗巴，有啲坐唔到熱狗巴嘅人，更辱罵站長同拍打車門泄憤，事件被人拍片上咗YouTube，唔少市民都不齒呢種行為。

依家九巴剩番唔夠10條路線有熱狗巴行駛，但近期發生多宗巴士迷為乘搭每條路線最後一班嘅熱狗巴，同乘客及司機爭執事件。噚日有人喺YouTube上載兩條片，名為《最後熱狗，蕪湖街巴迷市民爭執全紀錄》，指來往荃威花園至黃埔花園嘅30X，前晚7點喺紅磡開出最後一班熱狗巴時，吸引大批市民乘坐，總站開出時已經滿晒人，部分上唔到車嘅巴士迷有啲辱罵站長，有啲就衝去其他車站打尖。

指侮辱咗「巴士迷」

條片上載後至噚晚截稿時已經有約5000人瀏覽，唔少人批評呢班人侮辱咗「巴士迷」呢3隻字，直斥佢哋無腦。九巴發言人回應話，會提醒乘客切勿做出妨礙車長駕駛或干擾巴士操作嘅行為，以免影響其他乘客同觸犯法例。

Youtube 片段
http://www.youtube.com/watch?v=W_oB33NXe10&feature=youtu.be


--------------------------------------------------------------------
好鬼惡 最不齒係果幾條友鬧完之後司機竟然開門俾佢地上車 其他人鬧佢地真係無可厚非, 最出奇係段片竟然一句粗口都冇 (定我聽唔到?)


又順便講吓, 岩岩去D大壇睇完, 原來下星期起只係得番4條路線有熱狗, 如果有興趣懷舊吓就真係要趁早啦

痴線

其實佢地明唔明，咩叫「緬懷」？

香港人好恐怖

引用第3樓tc2218於2012-05-06 09:20發表的“”:
香港人好恐怖 [表情] [表情]

係果班"後生仔"姐.......

引用第2樓freezefox於2012-05-03 16:13發表的“”:
其實佢地明唔明，咩叫「緬懷」？ [表情] [表情] [表情]

懷乜鬼姐...... 睇落果班都係得15,6 歲多......

我就唔信佢由細坐到大呀...... 有咩好緬懷......

頂多都係車迷貪高興.......

上腦

今日 (星期日) 係 1A, 32M, 39A, 40 熱狗 last day
小心尖碼會被巴敗攻陷

最近亦都有傳 5A, 16, 93K, 98A 都會喺星期二熱狗 last day

30X 事件後 10 日收狗，應該都同呢班傻仔有關

引用第0樓蕃薯廠於2012-05-03 15:54發表的“90後 (?) 為坐「熱狗巴」罵車長 網民狂轟”:
http://hk.news.yahoo.com/%E7%82%BA%E5%9D%90-%E7%86%B1%E7%8B%97%E5%B7%B4-%E7%BD%B5%E8%BB%8A%E9%95%B7-%E7%B6%B2%E6%B0%91%E7%8B%82%E8%BD%9F-211458628.html
【明報專訊】有成60幾年歷史、俗稱「熱狗巴」嘅九巴舊式非空調巴士，今個月內將全數退役，為紀念熱狗巴，唔少市民同巴士迷呢排都專程去坐吓熱狗巴緬懷一下，但部分人懷緬變搞事，唔單止瘋狂追蹤熱狗巴，有啲坐唔到熱狗巴嘅人，更辱罵站長同拍打車門泄憤，事件被人拍片上咗YouTube，唔少市民都不齒呢種行為。
依家九巴剩番唔夠10條路線有熱狗巴行駛，但近期發生多宗巴士迷為乘搭每條路線最後一班嘅熱狗巴，同乘客及司機爭執事件。噚日有人喺YouTube上載兩條片，名為《最後熱狗，蕪湖街巴迷市民爭執全紀錄》，指來往荃威花園至黃埔花園嘅30X，前晚7點喺紅磡開出最後一班熱狗巴時，吸引大批市民乘坐，總站開出時已經滿晒人，部分上唔到車嘅巴士迷有啲辱罵站長，有啲就衝去其他車站打尖。
.......

http://www.youtube.com/watch?v=1XutSENzEvM

自己私自打開車門


http://www.youtube.com/watch?v=mM7JVtkeD-w

個阿爸都頂唔順帶個仔落車

引用第8樓炸炸帝於2012-05-06 10:50發表的“”:
http://www.youtube.com/watch?v=1XutSENzEvM
自己私自打開車門 [表情]
.......

換轉系我都拿拿臨落車啦
呢家真系相機電話仲恐怖過刀槍劍戟

巴膠

影片果個笑笑口都好...............

尋日又有1A 線退役.......

apple 訪問個樣似90後既後生仔.... 佢話作為80後,90後. 由細坐到大, 而家去搵迪返d童年回憶.......

想問下, 特別係90後..... 真係由細坐到大?

引用第12樓廢托於2012-05-07 13:11發表的“”:
尋日又有1A 線退役.......
apple 訪問個樣似90後既後生仔.... 佢話作為80後,90後. 由細坐到大, 而家去搵迪返d童年回憶.......
想問下, 特別係90後..... 真係由細坐到大?

80後都算係,
90後...真係...

用戶被禁言,該主題自動屏蔽!