論壇升級計劃，由於技術上的限制，一波三折，係多次停壇後，仍未能取後有效成果。需要作全面檢討。
首先，我希望桶少你可以具體解答以下各項。以便我地可以有詳細資料作出判斷與決策。
1 : 升級的實際好處
我不得不承認，之前係輕看左升級既難度。以為好容易就可以做到。但兩次停壇後話比我地知，好明顯升級並非想象般容易。而且，要犧牲既野都唔少。咁不得不容我再考慮，升級既迫切性。之前其實我地大部分人都無認真諗過，點解一定要升級的。講真，反正免費，升級梗係好過唔升級。但究竟好係邊到？帶黎邊幾方面既好處，我諗我地無人答得出黎。
所以，我希望技支能夠清楚指出，升級後我地即時可以帶黎既好處係邊到。以便我地衡量係咪真係需要作出咁大既犧牲去升級。
2 : 升級與不升級的風險。
當然，有時，即使升級唔一定帶黎好大既好處。但若然唔升級，卻要面對好多潛在既風險。咁即使升級係無咩特別好處，我地仍然係要被迫升級的。咁究竟我地有冇呢類風險要面對呢？
相反，升級雖有好處，但好似從來無人提過會唔會有咩風險。其實，係咪真係無風險？
3 : 為配合升級的瘦身行動（另見一樓之計劃表）。
照星期日ECKO 打比我所講既資料，論壇現有既文章，總共達600MB！而要配合升級，我地要刪減足足一半既文章，以求達到300MB 既容量，先有可能做到新舊交替既BACKUP。300MG 並唔係一個小數目。事實上，新年期間，各版主已經完成初步既大掃除行動。清理左一定數量既文章。係現有既文章中，再減一半，並非容易。究竟邊D 文章需要保留，邊D 文章可以刪去，需要進行仔細討論！
另外，我希望桶少提供各版現有的容量數值。例如吹水版佔左幾多MB、球迷會又佔左幾多MB，諸如此類、諸如此類。無資料既話，我地盲目咁，無計劃咁左刪右裁，只會事倍工半。攪一大輪都未知究竟減夠個數值未。一定要有具體計劃，按步就班咁去刪減，先可以有效而快速地刪去無用既文章。保留番我地好多珍貴既歷史。文章一經刪減就搵唔番。好友既歷史可以因為一個錯誤就消失無形。所以斷斷不能馬虎大意。
另外，我同兩位總版唔可能了解哂全個論壇所有版既情況。各版版主務必提出佢地既意見。否則，清空左個版之後再黎話唔清得，到時救都救唔番，邊個都幫唔到你。事後抱怨不如事前討論。希望大家積極參予其中。
4. 技術支援
有關升級事宜，涉及好多專門知識。我地幾位版主未必可以幫到D 咩。但好友人材輩出。必有臥龍伏虎。技支遇到技術上的困難，不妨提出。一人計短二人計長。多幾方面既意見有助解決問題。ECKO 都係上次係續約問題提供左好多寶貴意見而被招攬為技支的。大家唔講，我地唔知，有時想幫都唔知可以點幫。自己困係個困局到無補於事的。
[ 本文被freezefox在2012-06-08 14:24重新編輯 ]
