無禮貌到嘔　香港人醜唔醜 [復制鏈接]

【本報訊】進入公眾場所匆匆關門、購買小額商品時收銀員黑口黑面、在人來人往街道跌了物件無人幫忙執拾，三種場面每刻都在香港上演。一項調查派員到全球36個城市「放蛇」做禮貌測試，香港分數不合格，由第25位跌至第27位，顯示港人禮貌倒退。
  
禮貌測試由《讀者文摘》在36個全球不同城市進行，三個項目包括會否為尾隨者開門、售貨員在小額交易時會否說謝謝、會否在繁忙街道為別人執拾掉在地上文件等。放蛇調查員男女各半，獲有禮相待者得一分，滿分為60分。
與過度溺愛港孩有關
該雜誌6年前亦曾做同類測試，首三位不變，依次是紐約、蘇黎世及多倫多。香港今年得分率為45%（即27分），較全球平均54.4%為低，顯示港人禮貌不合格；排位更由6年前的第25位跌至第27位，比第23位的菲律賓馬尼拉更低，印度孟買包尾成「無禮之城」。
旅遊業議會主席胡兆英相信，禮貌測試分數低因本港生活節奏急促，不替別人執物件不是衡量禮貌的標準。他認為老一輩港人較有禮，樂意替別人推門和說謝謝，而新一代港孩在過度溺愛下成長，較自我及無禮，「新一代導遊唔會為客人斟茶，覺得係侍應工作，亦較少講多謝」。通識老師張銳輝亦認同港孩現象令本港禮貌倒退，「從細到大習慣俾人照顧，較少顧其他人」。《蘋果》記者昨日到旺角進行三項測試，見證港人禮貌指數低落，鮮有顧及他人。
小店冇多謝
記者到報攤、小食檔及士多等小商戶光顧，檔主只說價錢，找續時未說「謝謝」，有士多老闆娘更將零錢隨手「丟」在枱面讓顧客自取。而連鎖店及商場店員，大多樂意講解產品特色，有說「謝謝」及「歡迎下次光臨」。
  
推門各顧各
朗豪坊商場玻璃門開合不停，市民鮮有為陌生人推門，一名男子一手拿着袋子和雨傘，另一手拿着摺起的嬰兒車，但前行者迅速放開門柄，他慘被夾在玻璃門之間，尾隨者繞路無幫忙，男子只好靠手肘頂開玻璃門「自救」。
  
跌嘢冇人幫
旺角新世紀廣場對開天橋行人如梭，記者故意弄跌筆記簿，約10名途經路人中，有一人會提醒：「小姐，你跌咗嘢。」但整個測試中，只有一位好心路人俯身代執，若這是國際雜誌測試，港人肯定難以得分。




link: [url]http://www.sharpdaily.hk/article/news/20120727/116399/[/url]

而家責怪邊個都於事無補∼
由自己開始做起吧！慢慢影響身邊既人，漸漸有公德心的人就會愈來愈多了:)

del  

wrong post

麻凡:講你都唔信..........我冇反擊........佢理直氣壯都咁, 我當下竟然有點懷疑自己係咪真係唔啱, 一回神, 大家一出一入, 各散東西冇仇報了...........[表情] (2012-07-31 15:38) 

真係估你唔到呀

迪克:你o既反擊係...？ (2012-07-31 15:17) 

講你都唔信..........我冇反擊........佢理直氣壯都咁, 我當下竟然有點懷疑自己係咪真係唔啱, 一回神, 大家一出一入, 各散東西冇仇報了...........

麻凡:開門呢家野真係..........唉.......
我返屋企度門要用住戶証開, 昨晚前面果個港女開門入左, 關門前轉頭望住我, 我當時抱住個b, 我以為佢既然望到應該都會hold一hold度門, 仲加快腳步費事要人等咁耐, 點知....正如大家都估到咁樣, 明明就咁放手自動關埋既門, 佢竟然再加d力加快關門 .. (2012-07-31 13:54) 

你o既反擊係...？

用戶被禁言,該主題自動屏蔽!

兩年前又試過一次係商場, 印象好深刻, 令我明白到點解而家年輕一輩唔肯幫人hold住度門的心態~~
話說當時我打算進入商場, 玻璃門當時有個打扮時的少女剛打開門打算出, 但佢開住度門結果未出去, 然後擰頭催佢個fd"快d啦", 我見到佢個fd仲有十步八步左右先至行到過黎, 咁我就好自然咁係唯一的出入口即少女hold住果度門度行入商場, 當我一腳一步入商場, 少女快速擰頭望住我, 然後連誅爆發, 內容大約係"*@#%$, 搞%#錯呀, 你冇病下話, 你當我係開門架? 你邊位呀, 我開埋門俾你入? 痴q&*(^@*..........."

用戶被禁言,該主題自動屏蔽!

開門呢家野真係..........唉.......
我返屋企度門要用住戶証開, 昨晚前面果個港女開門入左, 關門前轉頭望住我, 我當時抱住個b, 我以為佢既然望到應該都會hold一hold度門, 仲加快腳步費事要人等咁耐, 點知....正如大家都估到咁樣, 明明就咁放手自動關埋既門, 佢竟然再加d力加快關門速度.........我唯有再攞張住戶証出黎再"嘟"過........

特別係呢幾個月留意多左, 我覺得香港居民都好自私, 只顧自己唔理人, ......
有時見到都好火 , 可能我需要多一點包容

平時推完門會睇下後面果個點啦

冇手接既都扶住等埋佢

個款乞人憎就開少少門放手

真係好憎人找錢丟係枱面，明明都伸左手

今日先有人幫我執返八達通

兩樣都有做

台北人其實同香港差唔多 不過台南人就好人得多