[版主任命]【會員相簿】、【會員日記】、【好友遊蹤】版主調動 [復制鏈接]

由即日起，林伯特(yanyan)將會同時上任會員區【會員相簿】、【會員日記】兩版版主，

同時煙花將會上任新開張既【好友遊蹤】版主，希望煙花係旅遊呢方面既經驗能夠帶動人流

兩位加油!

【好友論壇】總版主 迪神 / 三郎
2012年8月21日

恭喜兩位

公起兩位∼∼

最重要有無米派

迪神:唔怪得你地問今日咩日子，點解會今日宣佈[表情]
我知煙花脾氣臭，到我最後搵佢CONFIRM既時候都再三叮囑要收下脾氣
佢本身對旅遊方面係有較深認識，亦睇到佢有野心攪呢版，點解唔比佢試下?宜家有心做版主，肯去參與論壇事務既有幾多個?
....... (2012-08-21 23:14) 

一個會攪事同人嘈既版主同一個咩都唔做咩都唔參與既版主，我寧願搵前者試下


呢句正呀!!!!

不過煙花臭脾氣咩? 唔多覺既...

兩位加油...

恭喜恭喜!   

唔怪得你地問今日咩日子，點解會今日宣佈

我知煙花脾氣臭，到我最後搵佢CONFIRM既時候都再三叮囑要收下脾氣

佢本身對旅遊方面係有較深認識，亦睇到佢有野心攪呢版，點解唔比佢試下?宜家有心做版主，肯去參與論壇事務既有幾多個?

做人又好打工又好做版主又好，要學既，唔比人試下又點知佢宜家身為版主言行要多加留意呢?

一個會攪事同人嘈既版主同一個咩都唔做咩都唔參與既版主，我寧願搵前者試下

麻凡:你可以點做我唔識教你, 我只係道出我所見。
本來我冇打算講, 最初只係輕輕一句叫佢收下火la, 但我諗佢只係係呢個topic 既態度你都有眼睇, 佢好明確咁表現出黎就算做左版主都會依然故我。
或者佢係有心想做好件事, 但冇人知, 而且何必係初上任表現出咁傲慢呢?
佢係性格巨星, 我好欣 .. (2012-08-21 22:49) 

多謝意見。

你可以點做我唔識教你, 我只係道出我所見。
本來我冇打算講, 最初只係輕輕一句叫佢收下火la, 但我諗佢只係係呢個topic 既態度你都有眼睇, 佢好明確咁表現出黎就算做左版主都會依然故我。
或者佢係有心想做好件事, 但冇人知, 而且何必係初上任表現出咁傲慢呢?
佢係性格巨星, 我好欣賞佢, 同佢吹水好開心, 我亦唔懷疑佢既熱心, 但我而家好明確咁講緊係做版主適合與否。
覺得佢唔適合做版主就係排除佢? 佢都大個仔啦, 咩位置應該做咩用咩態度佢應該要知, 有好多版主都講過, 做左版主後有好多說話唔敢講,
因為角色唔同左。呢d係責任感。佢申請做版主時就應該考慮埋要多埋呢份責任心, 係咪? 我明係義工, 唔可能做十分, 但都唔好一開始負分啩?
我唔明點解覺得佢唔適合做版主就等於排除佢, 就係昨天我都仲同佢吹水吹得好高興, 有咩問題?
我唔知係咪一定要撤銷佢既任命, 但佢申請得做版主, 就係接受左某程度上的職級管理分配啦, 你都識講係你"下屬", 只要係合理既, 你應該要出聲,
咪日後點管理?  如果早係半天前有管理人員輕輕指責佢一句, 例如"花兄, 做左版主的確要收歛下...等等..." 唔一定要好嚴厲, 但唔會俾人覺得你護短。
你用人勿疑, 但佢一上任就已經令你難堪, 你都覺得冇問題,  我亦言盡於此, 而且都冇權再講任何野啦~

加油吧

麻凡:見你係度發言我先講~
我今朝先見到煙花係吹水區將佢昨晚同人嘈的事件意圖化大(唔知佢實際係咪咁諗, 起碼旁人如我看是如此), 過幾鐘後忽然見到任命佢做版主的TOPIC, 坦白講, 我好驚訝。
以往有會員申請做版主, 都要過幾個月甚至一年的觀察期, 尚且都未必會委任, 現在煙版剛同人嘈 .. (2012-08-21 21:34) 

同埋，你明知我會好難做，又明知煙花會好難受，咁點解仍然選擇要係呢到講呢番說話？

如果呢番說話對件事有幫助，我會明白亦都多謝你。但事實係咪呢？


調轉我想問番，你想我宜家點做？即時撤消個任命？咁同趕佢離開好友無分別架咋喎。唔撤消任命，咁我仲可以做d 咩？

我唯一可以做既當然就係私底下勸佢要改善下待人接物既態度。但呢d 說話只能夠「私底下」講。我個名係壇主者，你估我真係高高在上既咩？我何德何能去教人做人？唔通我真係當正自己係老細咁，公開訓示我d 「下屬」呀！大家心知肚知，壇主、版主都係各善其職既者。所謂既從屬關係何其薄弱。你唔聽我講我唔通真係炒你魷魚咩？就算我真係炒你鮮魚，你會少忽肉咩？你會買我怕咩？唔會架嘛。


唯一要令對方都肯放下身段，聽你講兩句既，就係表現自己既誠意。等佢都明白，我出發點都係為佢好。我都係關心佢者。咁或者，佢都仲會理下我既。

我同佢講，凡事要顧人地感受。說話要留有餘地。我自己都未做得好，又點教人呢？唯有係當互相勉勵，一切學習啦。你叫佢顧人感受，但自己卻完全唔顧佢感受，咁你話佢會唔會聽你講呀？


好友入面，性格巨星又唔係只係得佢一個。其他人無脾氣咩？無仇家咩？你同我都一大串「仇家」啦。咪學下點樣同人相處囉。比個機會佢，等佢可以正面既貢獻番好友，唔係好過在佢排除在外咩？


事實上，佢既熱心係人所共知的。呢個我相信無咩人會反對。人無完人。佢係某方面做得好，某方面做得唔好。大家咪試下欣賞佢既長處，包容佢既短處囉。

我作為壇主，當然亦會承起監察既責任。唔係單單講某一位版主。係所有版主。任何版主出問題，我都要負責架啦。佢自然唔會例外。有事既時候，我自然會出黎盡量擺平件事（如果擺得平既話）。如果佢真係做出d 好過份既行為，我當然可以免佢職。


不過我信任我所委任既同工！我信任佢地會係任期內，好好厘行版主既職務。用人勿疑？疑人勿用！我用得佢，我就要信佢。亦會負責佢既行為！

freezefox:呢件事其實我已經處理左。亦分別同兩位當事人了解過，溝通過。
件事，其實已經了結。何必再提起？ (2012-08-21 21:49) 

你覺得我係單單因為一件嘈交事件而打咁大段野?
我記得你都曾經講過多次, 版主唔係掛個牌就算, 而係實際代表論壇做版務管理, 而家一個咁易受挑釁既人做版主, 同要係剛同人嘈完就任命, 你地私下處理好就代表其他人唔會諗?
明明可以及早發現問題, 何必輕輕帶過?

另外，煙花申請版主都一段時間。並唔係呢頭申請個頭批。中間亦有好多討論。我地係有考慮過不同既因素。

至於尋晚件事同今日既任命，真係只可以話係巧合。任命係上個星期本來已經決定，一早應該宣布。只係迪神可能仲有少少問題要同三郎商議所以先會拖到宜家。而我相信迪神係唔知尋日係吹水站發生既事。連我都唔知佢係今朝宣布的（但呢個唔係問題）。所以兩者之間並無關連。

麻凡:見你係度發言我先講~
我今朝先見到煙花係吹水區將佢昨晚同人嘈的事件意圖化大(唔知佢實際係咪咁諗, 起碼旁人如我看是如此), 過幾鐘後忽然見到任命佢做版主的TOPIC, 坦白講, 我好驚訝。
以往有會員申請做版主, 都要過幾個月甚至一年的觀察期, 尚且都未必會委任, 現在煙版剛同人嘈 .. (2012-08-21 21:34) 

呢件事其實我已經處理左。亦分別同兩位當事人了解過，溝通過。


件事，其實已經了結。何必再提起？

freezefox:你兩個宜家係咪打算黎個即席示範呀？[表情] [表情]  (2012-08-21 20:03) 

見你係度發言我先講~
我今朝先見到煙花係吹水區將佢昨晚同人嘈的事件意圖化大(唔知佢實際係咪咁諗, 起碼旁人如我看是如此), 過幾鐘後忽然見到任命佢做版主的TOPIC, 坦白講, 我好驚訝。
以往有會員申請做版主, 都要過幾個月甚至一年的觀察期, 尚且都未必會委任, 現在煙版剛同人嘈完轉頭就係版主, 兩位總版同狐壇主你地唔覺得唔係幾合時咩?
現在在辦公室這個命名POST中, 堙花兄沒半句感言, 沒半句多謝, 遇有質疑仍傲慢非常....
係.....呢D都唔係咩過失亦冇犯版規, 但管版係代表管理團, 亦係半服務人員, 須要處理人事糾紛及其他版務, 如佢仍係一個普通會員, 我會好欣賞佢, 覺得佢好有性格, 甚至何能會忍唔住同佢一齊搞事, 但而家佢身為版主, 老實講, 我好懷疑佢能否處理好版務, 遇到有人搞事挑釁, 版主帶頭同人嘈, 成何體統?
我亦好奇怪對於煙花昨今兩日的行為為何兩住總版及狐壇會視而不見? 不怕其他會員會覺得你們處事不公??
我有咁既感覺, 相信其他會員都有, 只不過我比較抵唔住頸笨人出口啫。

另, 我知呢番說話可能會令總版及老狐你好難做, 煙花兄亦都唔會有好感受, 但我同你地冇宿怨, 絕對係對事唔係玩針對, 希望大家明白~~~