曾經喺車路士擔任過體育科學總監嘅保洛特，於巴黎因交通意外身亡，終年三十八歲。實在保洛特曾經協助過唔少英超球員，包括前曼聯前鋒高爾。車路士方面就希望今晚可擊敗阿仙奴，將勝利獻給保洛特，祝佢一路好走。
38歲嘅前車路士運動科學主管保洛特尋日喺巴黎因為車禍逝世。佢喺2009年加入安察洛堤嘅教練組，其間為教練團同醫療部門提供唔少重要意見，並成功輔助安察洛堤喺2010年勇奪英超同英格蘭足總盃，幫車路士贏得雙料冠軍。之後又跟隨安帥一齊加盟法甲球會巴黎聖日耳門，可惜尋日卻遇上車禍，送院後證實不治。巴黎聖日耳門提出聽朝對波爾多嘅賽事延期，但已被法國足總拒絕。
http://football.on.cc/cnt/news/newc/20130120/fbnewc0109x0.html
