「喂∼!好耐無見呀大家!唔好意思塞車呀!」修端到了咖啡室,向眾人打招呼,
「哦唔緊要∼次次都例牌有人遲到突入,慣左啦!」念慈笑說,
英秀、一心、家寶、有容和向華聞聲而笑,眾人點了咖啡開始閒談,
畢業之後各人大多繼續升學,並已在社會打滾了一段日子,
像修端和英秀,事業都頗為有成,並且已經成家立室,
一心、有容也已為人妻,有容更是育有兩子的家庭主婦,
「唉,而家政府成日話搞咩基建鐵路連接祖國,搞到周圍起野塞車都塞到嘔!」修端鬆了鬆領呔,
「記唔記得我地以前成日係學校討論社會問題?」念慈問,
「梗係記得!頂,都唔知點解中學時我地咁鬼關心時事。」家寶笑著答,
「覺唔覺得而家香城變左好多?」修端問,眾人歎了口氣,
「梗係覺啦,而家旺區全部唔係香城人,一放假周圍迫滿哂嚟買金買包包嘅同胞!」一心說,
「以前我地成日去嗰間茶室都執左變成賣化妝品嘞!」家寶搭嘴,
「上年呀,我個仔差D連奶粉都無得飲添!」有容忿忿不平地說,
「唉,有時去坐火車,簡直覺得呢個地方變到面目全非,又亂又噪又多貨物,有時仲有尿味!」修端說,
「而家叫城鐵唔係火車啦!」家寶和一心齊聲糾正他,
「究竟點解會咁架……………」有容傷感地問。
這時候,一個人影撞了進來,
「喂喂喂!Sorry!公司有嘢搞遲左!」允行匆匆地放下公事包,
「鑊鑊都係你最遲架喎!」念慈調侃他,
「
!有個大陸客落嚟買樓,一買買幾棟呀!」允行現為地產經紀,
「允行,你以前都唔講粗口嘅……」中學時和允行傳緋聞的一心說,
「
,你以前夠係處啦!」允行不以為然地答,
眾人繼續討論,並將剛才的內容告訴允行,
「你地唔明咩?個道理好淺顯啫!」允行說,
看見眾人不解的神色,允行喝了口Ice Cappuccino清清喉嚨,
「自從回歸加上祖國經濟起飛,成個城市所有問題都散發同一個氣息,就係呢度已經唔再係我地話事。」允行說,
英秀和修端聞言大力地點了點頭,
「我地嘅商場唔係為我地而設,樓價唔係根據我地購買能力,奶粉供應都唔係為本地媽媽著想,根本所有野都唔再以香城人優先。」允行再解釋,
「係囉!所以火車…城鐵上面多水貨客,海洋世界有人打尖,蓮花山大佛被痾尿,政府都叫我地包容,罷明就係屈我地機!」家寶怒罵,
「包容…和諧…
!真係聽到就想講粗口!」平時斯文的修端也爆了句粗。
「咁我地可以點?」一心問,
「冇乜點架,香城人個個淨係諗住賺錢,你D主婦就日日煲劇,又話對政治無興趣,邊有人幫到你啫。」允行老氣橫秋地說,
「關政治咩事呀…」有容不滿允行的指控,
「政府睇阿爺臉色唔理香城人,此乃政治;有錢商家搾乾我地但政府又唔理,此亦乃政治;所有社會問題都係政治問題,無人關心呢D野就繼續無人關心我地。」修端見允行神色不善,連忙搶答,
「講起政府就燥,成日搞埋D
野,好地地會考又變咩DSE,成日都以為講緊間傢俬鋪。」允行啐了一口,
「咪係!以前ABCD咪幾好!而家咩5星,賣電話咩∼」家寶接口說,
「哈哈哈哈哈哈哈∼∼∼」眾人大笑,
「係呢念慈你嫁得出未呀∼?」家寶問,
「
你啦!」念慈剛拿出電話玩Candy Crash,聞言罵了一聲,
「係呢點解幼羚無嚟?」修端問,
「佢嫁左鬼佬移民去外國嘛!」一心答,
眾人望向窗外,看著天空暗嘆口氣,
「買樓未?」允行問英秀,
「
!買條
咩,供一萬年?」英秀反應強烈,
「
鬼勿O嘴呀∼!」家寶拍了拍他肩膀,
「哈哈哈哈哈哈哈∼」幾個男人大笑,
「話事話有容而家真係奶大喎。」允行說,
「哈哈哈哈哈哈哈,好衰架,哈哈哈哈∼∼∼」
.........................
.........................
你地而家有六分鐘時間整理答案。
注:
係粗口
原文:
http://www.facebook.com/photo.php?fbid=549087848476956&set=pb.450346088351133.-2207520000.1368152993.&type=3&theater