16 強前8 隊已經誔生了，分別為
巴西 墨西哥 荷蘭 智利 哥倫比亞 希臘 哥斯達尼加 烏拉圭
剩番個八席，有四席都比人霸左了。法國、阿根廷、比利時都篤定出線。打埋今、明兩晚。個首名席位都應該無咩問題的了。法國要輸比厄瓜多爾，而且要比佢大炒六粒以上，先有機會跌去次席。阿根廷易D ，只要輸比尼日利亞，就可以失去首名資格了（XD）；比利時要輸比韓國，阿爾及利亞要羸俄羅斯，咁比利時就會無左個首名。呢個機率有幾大，要問下火兄了。
德國出線機會，甚至係首名出線機會其實都好高。和波已經可以首名出線了。對手只係美國。除非佢比美國大炒幾球，同時加納係個邊又大炒萄萄牙，否則佢無咩可能會出唔到線的。要跌落次名就要輸比美國先得了。
所以估計大家都會估剩下個四名首名為法、阿、德、比。
所以，關鍵名單變成次名。瑞士、厄瓜多爾邊隊可以次名出線（洪都拉斯數字上都有出線機會，但恐怕無人會貼佢了，負4 既得失球點追？）。尼日利亞可否會唔會比伊朗踢出局。美國能否順利摸和德國出線。定係加納會大炒葡萄牙搶走個次名（葡萄牙一樣有權出線，但情況同洪都拉斯一樣咁差，甚至更差）。最後一組阿爾及利亞同俄國邊隊可以突圍而出。正路都係估瑞士、尼日利亞、美國、阿爾及利亞吧。或有爬冷者估伊朗、加納、俄羅斯，分別會係呢幾隊波之中。
舊規舉，今晚12點截止。估中可以獨得或平分1萬元好友元。
