四揀三既話，你會點揀？ [復制鏈接]

今周係得個後防可以執下。現有以下4名後防，選擇其中三人作正選。比你，你會點揀？


Cresswell  -- 韋斯咸主場對維拉。西咸近況甚勇！近六仗四勝一和一負！只計主場既話，更加係全勝！聯賽排名在利、曼之上。CRESSWELL 總得分69分，平均得分7分一場。以一蚊身價黎講，無可挑剔。維拉近況麻麻。己經連輸六場！季初第一個月既氣勢全屬虛火。岩岩對上對熱刺個球入球，已經係近個半月黎，六場波入面唯一一個入球。攻力之疲可見。雖云六場波對盡阿、車、曼、愛，但對上兩場作客榜尾昆士柏，仍然慘2:0 。則無話可說了。加上賓迪基上場領紅，面臨停賽處分。維拉攻力更被進一步削弱。今場有機會出現一面倒既攻防戰。CRESSWELL 助攻力強，有望得到不俗既進攻分數。

唯一隱憂係，西咸打左成十場波，先得個一千零一場有CS！CS 率全英超最低！連般尼、QPR 都高過佢！唯一一場CS ，就係對住QPR 個場。其他場次，即是係對主晶宮、候場、般尼，都守唔住個CS。今場CS 既機會似乎唔高。當然，你可以話，CRESSWELL 無CS 下都可以有平均7 分既分數。如果搏到個cs ，咁就爆硬分了。

Bertrand  --  西咸近況好。但修咸近況比佢更好！聯賽十場波，七勝兩負一和排第二名！連曼城個排名都低過佢！主場不敗！四勝一和。最緊要係，五場入便有四場有CS！主場CS 率高達8成！至今失球數字只有區區五球！位列首名！第二既車仔、曼城，都已經各失十球，係修咸既一倍。呢個數字真係好誇張。對手岩岩相反，李斯特城近況奇差！奇蹟反勝曼聯一役之後都無好過。近五場四負一和！五場波入得兩球，就係主場對般尼個場。其他四場全部零入球！修咸頓對李斯特城，完全係近況最好同近況最差既球隊既對賽。恐怕又係一場大屠殺。Bertrand  總得分103 ，英超第二！平均每場得分10 分。此分數僅排係超級（貴）後防拜恩斯之下！但拜恩斯身價17, 8 蚊。Bertrand 現價都唔駛九蚊！偷價仲可能低至六、七蚊甚至五個幾！性價比完勝拜恩斯！今周應該都係鐵膽之一吧！

隱憂………暫時諗唔到………你地有冇咩發現？


Trippier -- 我唔想講般尼近況麻麻。因為從來都無好過。近五場四負一和，但比季初其實無咩差到。一直都係咁差（只講成績，非談表現）。開季至今仍然未開勝局。宜家已經跌到榜尾。十場波至今入得五球，全英超最低，失球卻係十九球，全英超第二高！所以一直以來都係我地長期追捧既對象（追住黎打）。但係弱隊都有高分球員。Trippier 總分93 ，排名全英超第四。係超少CS 分既情況下，平均都有9分一場波。雜分之高，可見一班。由於般尼唔係輸就係和。所以都唔好望有CS 了。十場波只試過三次CS （CS 機率高過西咸喎）！有兩次係黎自主場。主場CS 機率有4成！今仗對手係實力不相伯仲既候城。或者好彩搏到個CS 都唔定。咁到時Tripper 既分就和味了！事實上，候城作客成績亦唔見得好得去邊。五場作客只係羸過QPR ，其他四場三和一負。和波專家。呢場分分鐘都係和波收場。

隱憂：候城雖然作客難言勝利。但作客入球唔少！作客五場，只係對利記個場無入球，其他四場全部有入球。連對阿仙奴都可以入兩球。作客入球六球，幾乎係一半既入球數字。可見候城主場作客攻力相約。對般尼既CS 不要存太大希望。


Chambers  --  阿仙奴右閘！助攻力強。對車路士後累積五黃停賽。復出後連爆兩場。各得17分同24分既超高分數。此子雜分超多，無論係攻同守都一樣咁多分。問題係，好易食牌。否則都唔會打唔夠十場已經可以五黃停場。至於阿仙奴，近況反覆。岩岩周中歐聯係領先三球既情況下比人反追三球迫和。可見係大勝下，往往不懂控制戰局。穩定性甚低。十場聯賽，只有對維拉、水晶宮、新特蘭、般尼可以保持勝果！對餘對愛華頓、李斯特城、曼城、候城同熱刺，全部握手言和。其中李斯特城同候城兩場和波，實在難以接受。所以話，今季至今，表現實在未如理想。如果宜家個成績係6 勝3 和既話。會更合理。暫時阿仙奴係主場同作客既成績，分別不大。都係兩勝。視乎對手。對住榜尾弱隊，不難言勝。但對住實力有番咁上下既中游成子，但往往表現得有心無力。今場對手係史雲斯，論實力當然係阿仙奴之下。不過宜家都只係落後阿仙奴兩分排第六。得球比阿仙奴少，但失球一樣比阿仙奴少。屬於穩打穩扎既類型，亦係阿仙奴最難對付既類型。然而，史雲斯近況有所回落。季初三連勝後殺上三甲位置，但近五場只得一勝。其餘四場三和一負。表現未如理想。而且對手都只係新特蘭、史篤城、紐卡素，並唔係咩強隊。呢三場波只取兩分。睇黎季初虛火期已過。以近況計，阿仙奴應該可以小勝史雲斯。

隱憂：阿仙奴雖然排緊第4 位，但CS 率奇低！十場波只試過三次CS。分別係作客兩次，主場一次。CS 次數同排榜尾既般尼一樣。令人意外。今場對實力不俗既史雲斯，仲要作客。CS不敢予以厚望！





如果係你，你會點排呢四名後防既前後次序呢？

Bertrand > Cresswell > Trippier = Chambers


Bertrand：今季得分好穩定，平均分唔低。
Cresswell：低價後衛兼得分回報高。
Trippier：般尼真心差，要得分就靠佢自己。
Chambers：因為我冇偷，現價唔考慮佢了。

好長！好有心！

仲記得開季前3.99 bertrand我有推介過
但一直都冇用

ckl_1113:仲記得開季前3.99 bertrand我有推介過
但一直都冇用[表情]  (2014-11-05 13:12) 

我果個 5.08 買，由 week 5 用到而家。

我自己就睇今週既話
betrand, cress, tripper 呢3件好D
原因有3個
1)主場行先 主場大多數都會禁住對手打多 而呢3隊作客既對手都唔太強 有望博多D進攻分
2)本身呢3個無cs都有不錯既分數打底
3)Ars打完eufa驚腳軟 爆cs機會都極高 chambers果個位重要對近2場打正選既montero
   呢條友我前場波有睇 下下淨係識爆速 好驚chambers唔夠快又會食牌
   再加上bony近排都幾fit 要入ars波1 D都唔難

ckl_1113:仲記得開季前3.99 bertrand我有推介過
但一直都冇用[表情]  (2014-11-05 13:12) 

做咩唔用？

就算開季無用，根住都應該會用到架？

國球旗:我果個 5.08 買，由 week 5 用到而家。[表情] [表情] (2014-11-05 13:32)

我中途放過一次，宜家要六個幾先KEEP 到。

freezefox:我中途放過一次，宜家要六個幾先KEEP 到。
 (2014-11-05 14:27) 

今年未正式睇過佢踢，但上季外借去維拉時明明犯規多，得分少.....

國球旗:今年未正式睇過佢踢，但上季外借去維拉時明明犯規多，得分少.....[表情] [表情] (2014-11-05 14:44) 

修咸頓前後6 次CS 呀！！呢到都講緊36 分了！係佢總得分既三分一黎架啦。

今季YFF, 我覺得自己暫時最失敗既其中一個地方係.
無用Bertrand, 一直都無用

比我簡.
我會咁.

Bertrand > Cresswell > Trippier > Chambers

老狐

乜咁啱呀，我又係諗緊呢個四揀三

因為 Trippier 唔算高分所以無偷到，hold 緊另外三件加兩隻 $1 骨 （ Kelly丶McNair)

freezefox:修咸頓前後6 次CS 呀！！呢到都講緊36 分了！係佢總得分既三分一黎架啦。 (2014-11-05 15:09)

Bertrand主要係对中下游球队，不过对中下游球队都算稳
来紧southampton 对 Leicester City 同 Villa 都係四个人当中首选
不过踏入11月尾至1月头，9场比赛要对city, united (两次), chelsea, everton, arsenal (两次)

次选係Trippier，PI，FW，TW，BA 全部都好屈分，呢四个数据都响4人当中排第二。而且少犯规。再加上cs同埋cw，对hull city，可能放手一博打进攻足球

跟住cresswell同chambers。如果係第11周，cresswell会好过chambers。对villa cs机会大过 arsenal客场打swansea。加上chambers虽然tackle winning好多，其实fc同yc都唔少。

                                      PI  FW  GP  TW   FC  CS  SC  BA  G  YC  A  SOT  
Betrand  (103pts)       19  13  10   10     9     6      6     4    1     1     1    1     900mins
Trippier   (93pts)        16  12  10    14    3     3      16   5     0    0     0    1     895mins
Creswell   (69pts)      13   7    10    9      5     1      7     9     0    2     2    1     900mins
Chambers  (62pts)    17  10    9    21    12   3      2     0     1     5     1    2      705mins

senal:老狐 [表情]
乜咁啱呀，我又係諗緊呢個四揀三 [表情]
因為 Trippier 唔算高分所以無偷到，hold 緊另外三件加兩隻 $1 骨 （ Kelly丶McNair) (2014-11-05 17:18) 

McNair ………


如果偷佢，就要放棄上面四個是旦一個………

leoleo_leoleo:Bertrand主要係对中下游球队，不过对中下游球队都算稳
来紧southampton 对 Leicester City 同 Villa 都係四个人当中首选
不过踏入11月尾至1月头，9场比赛要对city, unit .. (2014-11-05 18:08) 

利、阿、曼都對左好多中下遊球隊………結果…………