麻凡:我唔太喜歡個尾，一個咁聰明既策劃人，用左咁多心血既步驟，在關鍵時刻竟然愛上對頭，仲要控制唔到咁老土...
(2020-05-03 11:50) 
我反而覺得好真實喎。
一般呢類警匪片， 做賊個批極高智商，無問題，但始終係人！ 唔可能預知一切。好似可以控制世間萬事萬物，一D 意外都無。其實係完全「 非人化」。 你幾聰明都好，計劃幾周詳都好， 係進行既過程中都唔可能全部照你意思發展，每一步每一著都比你預先估中哂！仲要連幾時發生都一早知道咁。真係做戲先會發生。
真實既情況係，你計劃左，你都要等佢發生。等既過程，你會緊張，你會不安。你會恐懼。當真係比你等到，一切如你所掌握般發生時，個一刻你會有「 BINGO 」既奮興！會有中獎既感覺。就好似警方決定派人扮醫生入去個一刻，教授開心到彈起，手舞足蹈，個一野我覺得真係好到位。
一般警匪片，都係拍到某一方點樣神機妙算，點樣掌握一切。呢套就幾乎每集都睇到佢地既漏動，睇到佢地既失算。然後又點樣係失算中扭轉局勢。當然，仲要有運既。 唔係有運，教授班友應該第五六集個陣都引比人拉哂了。
當然，我都覺得係呢D關鍵時候，佢真係同個女警談情說愛又係怪左少少。但諗番，唔係無積極作用。如果以此為臨時加入既拖時間政略。未嘗不可。臨時臨急度出黎既權宜之計，當然就會更多漏動了。
