[電影][電影評論]超人–強戰回歸(Superman Returns) [復制鏈接]

我尋晚睇完《超人- 強戰回歸》~ Superman Returns﹐急不及上來講下。今集超人由前兩套 <X-MEN> 的導演－拜仁辛格 (Bryan Singer) 執導﹐成套超人電影非常有血有肉﹐很人性化。雖然特技交足功課﹐由其是墮機果一場､以及超人拯救紐約市果一場﹐真令觀眾拍手叫好﹔但除此之外﹐絕大部份時間係講超人跟 Loris 的內心戲﹐以及那個光頭奸角的大計。
千其唔好以為今集超人是重新再拍多一次超人的故事﹐完全唔係咁。可以話~ 今集超人故事係承接對上８０年代 基斯度化理夫 的超人系列﹐今集超人一開始﹐Lois Lane已經結了婚﹐還有一個仔﹐而 Lois Lane 更跟超人和她的現任老公（即 <X-MEN> 中的雷射眼）搞三角關係。
各位未過３０歲的年青觀眾﹐假如你未看過 ８０年代 基斯度化理夫的超人系列﹐記住記住要惡補頭兩集先好去睇《超人- 強戰回歸》﹐特別係第二集講到超人（基斯度化理夫飾演）因為要跟 Lois Lane 做愛~ 而變成凡人那一段﹔因為今集《超人- 強戰回歸》中﹐Lois Lane的兒子並非是跟雷射眼所生﹐而是她跟超人所生的。在《超人- 強戰回歸》結尾﹐重傷的超人因失戀､失意已經喪失求生意志﹐生無可戀 ~ 就係 因為 Lois 講左一句 “ Jason is our son” ﹐個細路再錫超人一啖之後﹐超人即刻起死回生﹔可憐當時的雷射眼不再場﹐否則………。的確個細路中場 show 過有超能力﹐而光頭奸角亦算到個細路係超人個仔。。（唔好怪我講出來）
整体來說﹐《超人- 強戰回歸》拍得唔錯﹐故事很好﹐但係導演跳唔出前兩套<X-MEN>的風格。還有配樂方面﹐繼 續沿用８０年代 超人系列的配樂﹐今集超人太似當年基斯度化理夫﹐仿彿時光倒流２０年重翻８０年代入戲院睇多次超人咁。