我咳醒左睇左下半場，不得不讚班球員好專注同埋高普的變陣。
下半場見沙拿企最前，費明奴因為成日會協防所以放左去左邊，留番文尼最擅長的右路俾佢。然後雙防中老母同米拿，OX企攻中位。
結果個入球就係由大家都問候既老母cup兩野推生個波直傳俾OX，OX無hold得耐個波抵讚，即分斜線俾沙拿再俾右邊入攝的文尼，後面係點大家都知。
但係正正係個變陣令呢個入球組合既所有人都出現響岩既位置。
後面第二球完完全全係費明奴自己的足球智慧，佢拍波真係一流，唔係狗衝埋去就算，係閘岩位適當時候先出腳截波，呢個都係利記打緊逼咁有效的其中一個原因，應該係高普的戰術教授得宜。射果球仲尾內柱入......
今場TAA唔算突出，不過不失，因為文尼同OX都不停幫佢補位去封沙尼同後上疊瓦的球員。
反而VVD同懦夫真係好charm！中間截哂所有波，完全無乜威脅。成條後防令沙尼今場越位次數加埋仲多過我地兩回合既入球數字！（下半場我記得都3次）
今季真係收貨了，季中走個大將，補入中堅，重新夾過之下，UCL四強，英超前四。仲有一班本來成PAT屎咁既球員都打番起哂，In Klopp We Trust！
